КіруДарынды жастар – ел болашағының кепілі
Орал қаласында білім мен ғылым саласында үздік нәтижелерге қол жеткізген дарынды оқушыларды қолдауға арналған тағылымды кездесу өтті. «Атамекен» өнер ордасында ұйымдастырылған «Жетістік формуласы: дарын, еңбек, білім» атты жиынға Орал қаласының әкімі Мұрат Байменов қатысып, жас жеткіншектермен еркін форматта пікір алмасты.
Кездесуге халықаралық және республикалық деңгейдегі пәндік олимпиадаларда, ғылыми жобалар байқауларында жоғары нәтиже көрсеткен 30 дарынды оқушы қатысты. Сонымен қатар шараға білім ордаларының басшылары, оқушылардың жетекші ұстаздары мен ата-аналары арнайы шақырылды.
Жиындп жас таланттар өздерінің білім жолындағы жетістіктері, ғылыми ізденістері мен алдағы жоспарлары жөнінде айтып, түрлі деңгейдегі байқаулар мен олимпиадалардан алған тәжірибелерімен бөлісті. Сондай-ақ жиын аясында оқушылардың шығармашылық және зияткерлік әлеуетін дамытуға бағытталған жұмыстар, дарынды жастарды қолдау тетіктері мен олардың қоғамдағы рөлін арттыру мәселелері талқыланды.
Қала әкімі Мұрат Байменов өз сөзінде білімге ұмтылған жастардың әр жетістігі – мемлекеттің дамуына қосылған маңызды үлес екенін атап өтті. Сонымен қатар оқушылардың табысқа жету жолында бағыт-бағдар беріп келе жатқан ұстаздардың еңбегіне және балаларына жан-жақты қолдау көрсетіп жүрген ата-аналарға алғыс білдірді.
Шара соңында үздік нәтижелерімен ерекшеленген дарынды оқушылар мен олардың жетекшілеріне Орал қаласы әкімінің Алғыс хаттары мен арнайы сертификаттары табысталды. Сонымен бірге оларға бағыт-бағдар беріп жүрген ұстаздар мен қолдау көрсеткен ата-аналарға құрмет көрсетілді. Бұл – жас ұрпақтың сапалы білім алып, ел болашағына қызмет ететін азамат болып қалыптасуына жасалған маңызды қолдаудың көрінісі. Мұндай кездесулер өскелең ұрпақтың білімге деген қызығушылығын арттырып, жаңа жетістіктерге ұмтылуға серпін беретіні анық.
Ә.Бақытжанқызы
Соңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
