КіруАуыл инфрақұрылымын жаңғырту жұмыстары жалғасуда
Облыс әкімінің орынбасары Мирас Мүлкәй Казталов және Жаңақала аудандарына жұмыс сапарымен барып, әлеуметтік маңызы бар нысандар мен инфрақұрылымдық жобалардың жүзеге асу барысын тексерді. Қызметтік сапар аясында денсаулық сақтау, білім беру, жол, энергетика және тұрғын үй құрылысы салаларындағы бірқатар мәселелер қаралды.
Алдымен облыс әкімінің орынбасары Казталов ауылында бой көтеріп жатқан көпбейінді ауданаралық аурухананың құрылыс алаңында болды. Қазіргі таңда нысанда жаңа мердігер жұмысқа кірісіп, құрылысқа қажетті материалдар жеткізілген. Жұмыс күші де жеткілікті деңгейде жұмылдырылған. Мирас Мүлкәй жауапты мамандарға құрылыс қарқынын бәсеңдетпей, нысанды сапалы әрі белгіленген мерзімде аяқтау қажеттігін тапсырды.
Жұмыс сапары барысында «Жалпақтал–Қарасу» бағытындағы автомобиль жолының жағдайы да назардан тыс қалмады. Сонымен қатар Н.Дүйсенғалиев атындағы мектеп пен Әбіш ауылындағы білім беру нысандарының қазіргі жай-күйі қаралды. Аталған мектептердің ғимараттарын жаңарту және жаңа білім ошақтарын салу мәселесі бойынша жауапты басқармалар мен аудан әкімдігіне нақты тапсырмалар берілді. Бұл бағыттағы жұмыстар ауыл балаларына қауіпсіз әрі қолайлы білім беру ортасын қалыптастыруға бағытталған.
Облыс әкімінің орынбасары Жаңақала ауданындағы ірі инфрақұрылымдық жобалардың орындалу барысымен танысты. Атап айтқанда, «Жаңақала–Мастексай» электр желісінің құрылысы және «Чапаев–Жаңақала–Сайхын» автомобиль жолының 130–191 шақырым аралығын қайта жаңғырту жұмыстары тексерілді. Бұл жобалар аудан тұрғындарының өмір сапасын жақсартуға, елді мекендер арасындағы қатынасты жеңілдетуге және инженерлік инфрақұрылымды жаңартуға мүмкіндік береді.
Сапар соңында Мирас Мүлкәй «Коммунал» кәсіпорнының жұмысымен және материалдық-техникалық базасымен танысты. Сондай-ақ Жаңақала ауылында салынып жатқан тұрғын үйлердің құрылыс сапасы тексерілді. Облыс әкімінің орынбасары халықтың әлеуметтік осал топтарына арналған баспаналардың уақытылы әрі сапалы берілуі аймақ басшысының тұрақты бақылауында екенін атап өтті.
Жауапты мекемелерге барлық жобалар бойынша жұмысты жүйелі жүргізіп, құрылыс сапасын қатаң қадағалау, сондай-ақ белгіленген мерзімдердің сақталуын қамтамасыз ету жөнінде тапсырмалар жүктелді.
Әдемі Бақытжанқызы
Версия для печатиСоңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
