КіруЖел электр станциясының құрылысы басталады
Батыс Қазақстан облысында жаңартылатын энергия көздерін дамыту бағытындағы ауқымды жоба жүзеге аспақ.Өңірде тұңғыш рет қуаттылығы 50 МВт болатын жел электр станциясының құрылысы басталады. Бұл бастама Мемлекет басшысы Қасым-Жомарт Тоқаевтың елімізде баламалы энергия үлесін арттыру жөніндегі тапсырмасымен үндеседі.
Болашақ энергетикалық нысанның құрылыс алаңында өткен уақыт капсуласын салу рәсіміне облыс әкімі Нариман Төреғалиев пен қытайлық инвестор қатысты.
Жел электр станциясын салу үшін 140 гектар жер телімі бөлінген. Аукцион қорытындысы бойынша жобаны «GREEN ENERGY INDUSTRIAL COMPANY CENTRAL ASIA» ЖШС жүзеге асырады. Компания директоры Гао Венкенің айтуынша, инвестиция көлемі 21 млрд теңгені құрайды. Бұдан бөлек, құрылыс аумағында 8 ай бұрын арнайы анемометр орнатылып, желдің жылдамдығы мен бағытына тұрақты мониторинг жүргізілген. Зерттеу нәтижелері аталған аумақта станцияның тиімді жұмыс істеуіне қолайлы жағдай бар екенін көрсетті.
Жоба тек энергетика саласы үшін ғана емес, өңір экономикасы үшін де маңызды. Ауқымды инвестиция тарту арқылы жергілікті инфрақұрылым жаңарып, құрылыс кезеңінде қосымша жұмыс орындары ашылады. Ал нысан пайдалануға берілгеннен кейін облыстың энергия жүйесіндегі тұрақтылық артып, баламалы қуат көздерін тиімді пайдалану мүмкіндігі кеңейеді. Бұл өз кезегінде аймақтың инвестициялық әлеуетін күшейтіп, болашақта жаңа жобалардың жүзеге асуына жол ашады.
Жаңа нысандағы құрылыс жұмыстары осы айда басталып, келесі жылы толық аяқталады деп жоспарланып отыр. Нысан іске қосылғаннан кейін 5 адам тұрақты жұмыспен қамтылса, құрылыс және маусымдық жұмыстарға 50-ге жуық адам тартылады. Станцияның кепілдік мерзімі 20 жылды құрайды.
Облыс әкімі Нариман Төреғалиев өңірде энергетикалық қауіпсіздікті қамтамасыз ету және инфрақұрылымды жаңғырту бағытындағы жұмыстар жүйелі түрде жалғасатынын атап өтті. Алдағы уақытта Жәнібек ауданы Өнеге ауылында да гибридті электр станциясының құрылысы басталмақ. Мұндай жобалар облыстың энергия импортына тәуелділігін азайтып, жергілікті қуат көздерін дамытуға жол ашады.
Соңғы үш жылда облысты энергиямен жабдықтау саласына 44 млрд теңгеден астам қаржы бағытталған. Биыл бұл мақсатқа 20 млрд теңге бөлінді. Жоспарға сәйкес, 2029 жылға қарай электр желілерінің тозу деңгейін 11 пайызға төмендету көзделіп отыр. Жаңартылатын энергия саласындағы жаңа жобалар өңірдің тұрақты дамуына, инвестициялық тартымдылығының артуына және тұрғындарды сапалы электр қуатымен қамтуға ықпал етпек.
Ә.Бақытжанқызы
Соңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
