КіруТелеарнаның 60 жылдығы өтті
Қыркүйектің 26-шы жұлдызында, «Атамекен» өнер ордасында «AQJAYIQ» телеарнасының 60 жылдығына арналған « Ақжайықтың айнасына – 60 жыл» атты салтанатты жиын және мерекелік концерт өтіп, алдымен арнаның мерейтойына арналған фотожинақтың тұсауы кесілді.
Кітаптың тұсауын Мәдениет қайраткері, ҚР Журналистер одағының мүшесі Баян Мұхамбетқалиев пен саланың ардагері Сара Набиуллина қиды. Жиынның шымылдығын Еркін Нұрымбетов жетекшілік ететін Дәулеткерей атындағы қазақ халық аспаптары оркестрі ашты.
Бұдан соң облыс әкімінің орынбасары Қайыржан Меңдіғалиев ұжымға жылы лебізін айтып,облыс әкімі Нариман Төреғалиевтың құттықтау хатын жеткізді. Одан соң Мәдениет және ақпарат министрлігі мен облыс әкімінің Алғыс хаты арнаның көптеген қызметкеріне табысталды. Сондай – ақ, Астана мен Алматы қаласынан жеткен танымал тұлғалардың құттықтау хаты оқылды.
Мерейтойда «Қазақстан» республикалық телерадиокорпорациясы» АҚ БҚОФ директоры Клара Қамбетова әріптестерін құттықтап, бірқатар сала үздіктеріне «Ардагерлер ұйымы» республикалық қоғамдық бірлестігінің атынан «Еңбек ардагері», ҚР Журналистер Одағы атынан «Қазақстанның құрметті журналисі» төсбелісі,<< Қазақстан республикалық телерадиокорпорациясы» АҚ төрайымы Ләззат Танысбайдың Құрмет гармотасы төларнамен тұрақты байланыс орнатып, қолдау көрсеткен демеушілерге мерекелік медальдар табысталды.
Бұдан соң филармония әншілері кештің шырайын келтірсе, «AQJAIYQ арнасының» жас журналистері мерейтойдың мерейін асырып, әуезді әнмен көркемдеді.
Өз тілшіміз
Версия для печатиСоңғы жаңалықтар
Еріктілермен бірге есірткі жарнамаларын жою акциясын өтті
«Құқықтық тәртіп» республикалық жедел-профилактикалық іс-шарасы жүруде
Kөмірді өндіру мен барлау бойынша үздік 10 елдің қатарына кіреміз
Оралда полиция тұрғындардың мүлкін ұрлаумен айналысқан күдіктіні құрықтады
