КіруАта Заңым – айбыным!
Тамыздың 29-ы күні Орал қалалық әкімдігінің үлкен залында Қазақстан Республикасының Конституция күніне байланысты салтанатты жиын өтті.
Жиында қала әкімінің міндетін атқарушы Жандос Дүйсенғалиев құттықтау сөз сөйледі:- Баршаңызды Қазақстан Республикасының Конституция күнімен шын жүректен құттықтаймын! Конституция – бүгініміз бен келешегіміздің кемелдігінің көрінісі. Ол – қоғамдық және мемлекеттік құрылыс негіздерін,мемлекеттік органдар жүйесін,олардың түзілу реттілігі мен қызметін, азаматтардың құқықтары мен міндеттерін айқындайтын мемлекеттік заң. Әрбір ел азаматының ендігі парызы – осы құндылықтарды сақтау, қадірлеу, заң талаптарын орындау. -деді Жандос Асхатұлы.
Бұдан соң қала әкімінің міндетін атқарушы Жандос Дүйсенғалиев прокуратура, сот және сыйбайлас жемқорлыққа қарсы іс – қимыл агенттігінің, БҚО бойынша экономиаклық тергеп – тексеру департаментінің, қалалық Төтенше жағдайлар басқармасының,БҚО Әділет департманетінің,қалалық қорғаныс істері жөніндегі басқармасының және облыстық білім бөлімінің бірқатар қызметкерлерін алғыс хатпен марапаттады. Шара соңы мерекелік концертке ұласты.
ГҮЛІМ НҰРҚАТ
Бұл мақала туралы «Жайық үні» газетінің №35 санынан оқи аласыздар
Соңғы жаңалықтар
Құқық бұзушылыққа жол бермейтін Telegram чат боты іске қосылды
