Кіру«Алтын белгі» иегерлерінің саны артқан
2024 жылы 11 сыныпты 186 мың түлек бітірді. Оның ішінде 7 420 түлек «Алтын белгі» белгісімен марапатталды.
Оқу-ағарту министрлігінің мәліметінше, 13 727 түлек жалпы орта білім туралы үздік аттестат алды.
Бұған дейін Ғылым және жоғары білім министрлігі Ұлттық бірыңғай тестілеудің (ҰБТ) аралық нәтижелерін таныстырған болатын.
Негізгі ҰБТ басталғалы 164 мың адам сынақтан өтті. Оның ішінде талапкерлердің 74 пайызы қазақ тілінде, 26 пайызы орыс тілінде, 115 пайызы ағылшын тілінде тапсырған.
ҰБТ басталғалы бері талапкерлердің 76 пайызы шекті баллға қол жеткізді.
«Алтын белгі» иегері атанған 236 ақмолалық 100 мың теңгенің сертификатына ие болды.
Еске салайық, 2021 жылы пандемияға байланысты қашықтан оқыту кезінде үздік түлектердің саны артқан. Түлектер рекордтық көрсеткішке жетіп, 9738 оқушы «Алтын белгі» төсбелгісін иеленген. Ал 2022 жылы «Алтын белгі» төсбелгісіне 8 139 үздік оқушы үміткер болған.
Сондай-ақ 2023 жылы елімізде 6817 оқушы «Алтын белгі» иегері атанған.
Айта кетейік, бұған дейін Оқу-ағарту министрлігі енді негізгі орта және жалпы орта білім туралы аттестатты цифрлы түрде алуға болатынын мәлімдеді. Құжаттар eGovMobile мобильді қосымшасындағы жаңа Bilim қызметінде қол жетімді болады.
Дереккөз: stan.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
