КіруСу басқан үйді бағамдады
Мамырдың 20-сы күні қала әкімінің орынбасары Жандос Дүйсенғалиев, ЖКХ өкілі Жанболат Қайыржан журналистермен бірге барып, техникалық бақылау жүргізушілердің жұмысына куә болды.
Алдымен Самал шағын ауданындағы Бирюса, 23 көшесіндегі Виктор Киверов пен Роман Кондратскийдің үйлеріне зерттеу және бағалау жұмыстарын жүргізген бақылаушылармен кездестік.
Сарапшы Едірес Мейрамбектің айтуынша, В.Киверовтың үйі тұруға жарамды, тек едені, түсқағазы, есіктері судан зардап шеккен. Біз қорытынды жасап, мүліктің тізімін бағалаушыға тапсырамыз. Олар бағасын қойып, жөндеуге қажетті қаражат көлемін шығарады.
Екінші үйді бақылаған Тоқтамыс Хамзиннің айтуынша, Роман Кондратскийдің баспанасы тұруға жарамды. Үйінің есіктері, едені зардап шеккен. Үйінің фундаменті мықты. Сондықтан жөндеуге керекті ақшаны бағалаушылар есептеп шығарады,-деп түсіндірді.
Қала әкімінің орынбасары Жандос Дүйсенғалиев:-Шаған, Деркөл өзенінің жайылып кетуіне орай көптеген үйге тексеріс жүру қиынға соғуда. Бүгінде 2000-нан аса үйге техникалық тексеріс жүрді. Бұл жұмыс жалғаса береді,-деді.
Гүлжан АЯЗБАЕВА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
