КіруКадрлық тағайындау
Бүгін Батыс Қазақстан облысының дене шынықтыру және спорт басқармасы басшысының орынбасары лауазымына Нұржанов Мирболат Сағынғалиұлы тағайындалды.
Мирболат Сағынғалиұлы 1982 жылы Батыс Қазақстан облысы, Ақжайық ауданының Первомай ауылында дүниеге келген.
Білімі – жоғары, ғылыми дәрежесі – магистр. 2003 жылы Батыс Қазақстан мемлекеттік университетін тарих және география пәндерінің мұғалімі, 2008 жылы Еуразия академиясын мемлекеттік және жергілікті басқару мамандықтары бойынша жоғары оқу орындарын тәмамдаған.
2019-2021 жж. халықаралық «Болашақ» бағдарламасымен «Стратклайд» университетінде (Ұлыбритания) «жобаларды басқару және инновация» мамандығы бойынша білім алған.
Еңбек жолын 2003 жылы Серебряков негізгі мектебінде тарих пәнінің мұғалімі қызметінен бастады. Кейін әр жылдары түрлі салаларда жұмыс істеген:
2004-2011 жж. – «БҚО жастар қауымдастығы» заңды тұлғалар бірлестігі төрағасының орынбасары, төрағасы;
2009-2010 жж. – «Еңбек TRAINING» ЖШС-нің директоры;
2010-2011 жж. – «Орал Холдинг НСК» ЖШС-нің директоры;
2011-2012 жж. – БҚО Бөрлі ауданы әкімінің көмекшісі;
2012 жылы – Орал қаласының ішкі саясат бөлімінің бас маманы;
2012-2013 жж. – Орал қаласы әкімінің кеңесшісі;
2013-2016 жж. – Орал қаласы, Круглоозерный кентінің әкімі;
2017-2023 жж. – Орал қаласы әкімінің орынбасары.
Дене шынықтыру және спорт басқармасының баспасөз қызметі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
