КіруОралдан Ақтауға ұшақ рейсі қайта жанданды
3 тамыздан бастап Мәншүк Мәметова атындағы Орал халықаралық әуежайынан Ақтауға ұшулар қайта басталды. Рейстер аптасына екі рет, ал қыркүйектен бастап аптасына үш рет жүзеге асырылмақ.
Ақтауға ұшуды Fly Arystan әуекомпаниясы 180 орындық Airbus A320 әуе кемелерінде орындайды. Рейстер қазан айына дейін жоспарланған. Мәншүк Мәметова атындағы Орал халықаралық әуежайының бас директоры Рустам Бактимировтың айтуынша енді екі қала арасындағы ұшулар үздіксіз жүргізіледі. – «Біз әуекомпаниялармен және авиациялық билік органдарымен бірлесіп әуежайымыздан маршруттық желіні кеңейту бойынша үнемі жұмыс істейміз. Біз үшін басты мақсаттардың бірі – ел ішіндегі барлық сұранысқа ие бағыттар бойынша тікелей рейстердің санын арттыру, солардың бірі Ақтау қаласына қатынайтын рейс болып табылады», – деді әуежайдың бас директоры Рустам Биктимиров.
Айта кету керек, бірінші рейске билеттер толығымен сатылып кеткен.
Айнара ИСА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу