КіруҚала әкімінің шешімі жарияланды
Бүгін түсте қалалық әкімдікте қала әкімінің орынбасары Жандос Дүйсенғалиев пен қалалық Төтенше жағдай департаменті басқармасының басшысы Амангелді Ешмұқанов БАҚ өкілдерінің қатысумен су басу фактілеріне байланысты су сору жұмыстарының барысы жайында брифинг өткізді.
11 наурыз күні қалалық жедел штаб отырысында қаланың көптеген жерлерін су басу фактісіне байланысты жергілікті деңгейде табиғи сипатта төтенше жағдай жариялау туралы шешім қабылданған болатын. Сәйкесінше, осыған байланысты 13 наурызда қала әкімінің шешімі жарияланды. Табиғи апаттан оқшаулау және оны жою жөніндегі іс-шаралар тиісті негіздемелермен ҚР 2021 жылғы 14.04 №173 бұйрығына сәйкес ұсыныстарды реттейтін болады. Ауа-райының күрт жылыну салдарынан 12 наурыз күні су басу фактісі орын алды, – деп қала әкімінің орынбасары Жандос Асхатұлы мәлім етті.
Мөңкеұлы көшесіндегі 8 тұрғын үйдің жертөлесіне су кірді
Сарытау шағын ауданынан Айтқұлов көшесіндегі арықтармен су жүрді. Сондай-ақ Саратов трассасының бойындағы жолмен су жүргізілді. Сарытау төбесінен келген су жерге түпкілікті сіңбей қалған. Су Саратов трассасының бойындағы үлкен каналдағы үш дөңгелектен өтеді. Дөңгелектің екеуінің диаметрі – 2 метр. Қалғанының диаметрі – бір метр болғандықтан, судың көп мөлшері ақпай қалды. Тағы бір себебі, су өте көп мөлшерде келді. Нәтижесінде арналар суға толып, шекарадан өтіп кетті. Сол жердегі тұрғын үйлерге су кіріп кетпеуі үшін Айтқұлов көшесіндегі жолды кескіздік.
Қауіпсіздік ережесіне сәйкес жеті үйдің жарығы өшірілді. Жертөлені тазалу жұмыстары жүргізілуде, аяқталғасын жарық беріледі. Ол жерде мыңға жуық адам тұратыны анықталды.
Ескі насостарды ауыстыру жұмысы қолға алынды
Бүгінде судың келуі баяулады. Дегенмен де тексеру барысында байқағанымыздай, Сарытаудың басында мұздың тоңы бар. Облыста тоңның қалыңдығы – 80 см, қалада 1-1,5 метр аралығында. Мамандардың айтуынша, мұз тоңның астынан еруде, бұл өте қауіпті жәйт. Азаматтық қорғаныс басқармасы тарапынан сарбаздар көмекке жіберіледі. Су басу қаупі бар жерлерді құм салынған қаптармен бөгейміз. Су соруға көптеген техника күштері жұмылдырылды. Қалалық Төтенше жағдай департаменті басқармасы мықты мотопомпадан көмек көрсетті. Соның күшімен көптеген су сорылды. Ескі насостарды ауыстыру жұмысы қолға алынды. Сметалық-жобалық жұмыстар жасалуда. Мердігер анықталды.
Өңірдегі өзендерде қауіп бар.
20 мыңнан астам адам саяжайда тұрады. Саяжай негізі тек қана бау –бақшаға арналған. Сондықтан да онда тұрып жатқан тұрғындарға өте қауіпті. Қазірде қалалық әкімдікке мыңнан астам өтініш түсті. Өтініштерді біртіндеп қарап, ең қауіп төнген тұрғындарға арнайы комиссия мүшелері барады, – деді қала әкімінің орынбасары Жандос Дүйсенғалиев.
Бұдан кейін қалалық Төтенше жағдай департаменті басқармасының басшысы Амангелді Ешмұқанов су басу кезінде белсенділік танытқан барлық азаматтарға алғысын білдіріп,алдағы уақытта да ұйымшылдықпен атқаруға шақырды.Брифинг соңында журналистер тарапынан қойылған сұрақтарға тұшымды жауап берді.
Гүлжан АЯЗБАЕВА
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу