КіруТасымалдаушы компания ауысты
1-ші шілдеден бастап Оралдағы №2 маршруттың қызметін «Батыс қазақстан автобус паркі» орындайтын болды. Өйткені «Оралтехсервис» ЖШС өз міндетін дұрыс орындамай, келісімшарт бойынша қойылған талаптарды атқармаған.
10 жылдан аса уақыт «Оралтехсервис» ЖШС жолаушылар тасымалдау қызметімен шұғылданып келді. Алайда соңғы жылдары бұл тасымалдаушы компанияның жұмысына сын көп. Мемлекеттен қолдау көре отыра, көліктер жаңартылмаған. Қызмет көрсету сапасы да көңіл көншітпейді. Сол себепті қалалық ТҮКШ, жолаушылар көлігі және автомобиль жолдары бөлімі тасымалдаушы компаниямен келісімшартты бұзды. «Оралтехсервис» ЖШС 2-ші қоғамдық көліктен бөлек, 30 «Д» және 24-ші қоғамдық көліктерде жолаушы тасымалымен де шұғылданған болатын.Қызметінен айрылған серіктестік басшысы тақырға отырдық дейді. Өйткені жұмысшылардың ішінде автобус жүргізушілері 50 пайызға қысқартылыпты. «Оралтехсервис» ЖШС олқылықтардың орнын толтырып, қайта мемлекеттік сатып алу конкурсына қатыса ма, жоқ па, ол жағы белгісіз. Естеріңізге сала кетеміз, осыдан екі жыл бұрын алдағы бес жыл ішінде қаладағы автобус парктері толықтай жаңартылатыны туралы қала әкімдігі мәлімдеме жасаған еді. Бұл шаруа межелі уақытта мақсатына жетеді деп үміттенеміз. Тек тұрғындарға көрсетілетін қызмет сапалы, әрі жайлы болу тиіс.
- Айнара ИСА
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу