КіруҮЙ ЖАНУАРЛАРЫНА «ФЛИППЕР» ОРНАТУ КЕРЕК
Биылғы жылы облыс аумағында малдың қатысуымен 7 жол-көлік оқиғасы тіркелген. Салдарынан екі адам көз жұмып, сегіз адам әр түрлі жарақат алған.
Көлік иелері Батыс Қазақстан облысынының жол өткелдерінде үй жануарларының жиі кездесетінін айтуда. Көп жағдайда көлік жүргізушілері қараңғыда бақташысыз, еркін жайылып, жолдан өтіп бара жатқан малдарға соғылатын көрінеді. Мұның басты себебі мал иелерінің бейқамдығы. Еркін жайылымдағы мал жол-көлік оқиғасының туындауына себеп болып отыр.
Жол бойында үй жануарларының қатысуымен болуы мүмкін жол-көлік оқиғаларының алдын алу мақсатында жануарларға «флиппер» жарық шағылдырғышын орнатып қою керек. Ол қараңғы кезде малды көруге мүмкіндік береді. Әрі жол бойындағы апатты азайтуға ықпал етеді.
«Флиппер» жарық шағылдырғышын малдың мойнына немесе құйрығына тағып қоюға болады.
БҚО ПБ жергілікті полиция қызметі басқармасы облыс тұрғындарын мал жайылымын тиісті деңгейде ұйымдастыруға және жануарларға жарық шағылдырғышын орнатуға шақырады.
Елмұра АСХАТҚЫЗЫ
Версия для печати
Соңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу