КіруҚазақстаннан гуманитарлық көмек жіберілді
Қазақстан халқы Украинаға гуманитарлық қолдау көрсетуін жалғастыруда. Мәселен, Нұр-Сұлтан қаласынан кезекті жүк жөнелтілді. Бұл қазақстандықтардың Украинаға гуманитарлық көмек салып жіберген сегізінші көлігі болатын . Бұл жолы жүк көлігі жербетілік жолмен 20 тонна көмек жеткізілді. Олардың ішінде жеке гигиена заттары мен азық-түлік, консервілер, макарон, қойытылған сүт, кептірілген жемістер және де тұрғындардан гуманитарлық көмек көрсетілді. Сонымен қатар осы гуманитарлық жүктің бір бөлігін жинауға “Позитив Үміт” қайырымдылық қоры көмектесті. Осы жөнелтілумен қоса санағанда, қазақстандықтар барлығы Украинаға 200 тоннаға жуық гуманитарлық көмек жинап, жөнелтті.
Петр Врублевский, Украинаның Қазақстандағы елшісі:
- Сегіз жүк көлігінің бесеуі Украинаға келді. Гуманитарлық көмек мұқтаж аймақтарға таратылды. Екі жүк көлігі әлі жолда, ал сегізінші жүк көлігі бүгін жіберілді. Біз үшін кез келген қолдау маңызды. Бізге бүкіл әлем, соның ішінде қазақстандықтар да көмектесіп жатыр.
Сондай-ақ Украинаға Қазақстан халқынан 8 әуерейс, ҚР үкіметінен 3 рейс гуманитарлық көмек жіберілді. Қазіргі таңда Қазақстанның 11 өңірінде гуманитарлық көмек қабылдау пункті Қарағанды, Орал, Семей, Өскемен, Ақтау, Түркістан, Атырау, Екібастұз, Ақтөбе, Алматы және Нұр-сұлтан қалаларында бар.
Украинаның гуманитарлық қолдау Штабында қазірдің өзінде 670-ке жуық ерікті жұмыс істейді. Олардың 120-сы жүйелі негізде. Негізгі қызмет – гуманитарлық көмек қабылдау, сұрыптау, тиеу және жөнелту, одан бөлек Штабта ақпараттық қызмет, фандрайзинг қызметі және ивенттер қызметі жұмыс істейді.
Қосымша сұрақтар бойынша, сондай-ақ штабтың жұмысы мен гуманитарлық көмек жинау туралы БАҚ-қа сұхбат пен басқа да материалдарды ұйымдастыру бойынша +77018712626 нөміріне хабарласыңыз. (Екатерина Мостовая, Украинаның гуманитарлық қолдау Штабының PR-еріктісі).
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу