КіруОРАЛ ҚАЛАСЫНДА ЕКІ СПОРТ КЕШЕНІ АШЫЛДЫ
Тұңғыш Президент күні мерекесінде Орал қаласында екі спорт кешені ашылды. «Рухани жаңғыру» бағдарламасы аясында жеке инвестициялар есебінен салынған қос нысанның ашылуына облыс әкімі А.Көлгінов пен қала әкімі М.Мұқаев қатысты.
Мемлекеттік-жекеменшік әріптестік аясында салынған Р.Егізбаев көшесіндегі «Naryn» спорт кешенінің құрылысын қолға алған жеке кәсіпкер, облыстық мәслихат депутаты Амангелді Таспихов. Мұнда спорттың волейбол, баскетбол, үстел теннисі, спорттық би түрлерімен айналысуға болады. Ал Деркөл ауылындағы «Деркөл» кешені жобасының иесі – «Тикан» ЖШС директоры Александр Ткалич. Бұл кешенде ұлттық ойындарды дамыту назарға алынбақ. Сондай-ақ ғимаратта қосымша оқу сыныптары, шаштараз бөлмесі жабдықталған. Кешен алдында street workout алаңы бар.
Жаңа ғимараттың ашылуымен жасөспірімдер мен қыздар арасында ұлттық спорт түрлерінен қалалық фестиваль өткізілді.
Айта кету керек, соңғы екі жыл ішінде Орал қаласында 25 заманауи спорт алаңдары қолданысқа берілді.
Елмұра АСХАТҚЫЗЫ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу