КіруОРАЛДА ӘКІМ ЫСҚАҚТЫҢ КЕШІ ӨТТІ
Бүгін Орал қаласында жазушы, композитор Әкім Ысқақтың «Көңіл қымбат» атты шығармашылық кеші өтті.
Тұңғыш Президент күніне орай Х.Бөкеева атындағы қазақ драма театрында өткен қоғам қайраткерінің кешіне БҚО әкімі Алтай Сейдірұлы, зиялы қауым өкілдері, өнер сүйер тыңдарман жиналды.
Ақын, жазушы, сазгер, журналист Әкім Ысқақ «Қазағым – халқым», «Көк тудың желбірегені» сынды патриоттық әндердің авторы ретінде көпшілікке жақсы таныс. Кеш барысында ақынның өлеңдеріне жазылған әндерді Ғ.Құрманғалиев атындағы облыстық филармонияның әншілері орындады. Ел-жұртты рухтандырар өлеңдері оқылды.
Облыс әкімі Алтай Сейдірұлы Ақ Жайық жұртшылығы атынан кеш иесіне толағай табыстар тілеп, ықылас гүлін тарту етті.
Кешті ақынның өзі қорытындылап, Батыс өңіріне келу арманы болғанын айтып, тұғырлы Тəуелсіздігіміз жолындағы еңбектерімен бөлісіп, бірлігі бекем, ынтымағы мығым, ырысы мол елге амандық қана тіледі.
Әкім Ысқақтың Ақ Жайық өңіріндегі кеші жоғары деңгейде өтті.
Мира ХАМЗАҚЫЗЫ
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу