КіруКОРОНАВИРУС: БҚО-ДА «БРИТАНДЫҚ» ЖӘНЕ «ОҢТҮСТІКАФРИКАЛЫҚ» ШТАММ АНЫҚТАЛДЫ
БҚО-да соңғы аптада коронавирустық инфекция бойынша аурушаңдық 23 пайызға көтерілген. Бұл туралы бүгін облыс әкімі Ғали Есқалиевтің төрағалығымен өткен коронавирустың алдын алу жөніндегі жедел штаб отырысында айтылды.
29 наурыз бен 4 сәуір аралығында жалпы 700 оқиға тіркелген болса, оның ішінде 2 сәуір күні ең көп жағдай – 112 адамнан індет анықталды. 3 сәуірде – 109 адамның, 4 сәуірде – 105 адамның ПТР талдауы оң нәтиже көрсетті. Облыстың бас мемлекеттік санитариялық дәрігері М.Арыспаев өңірде жағдайдың өршуінің негізгі себебінің бірі мутацияланған вирус штамы екенін мәлім етті. Айтуынша, мутацияланған вирус жұққыш болып келеді.
– 24 наурызда Алматы қаласына 20 сынама жіберілген болатын. Сол сынамалардан британдық, оңтүстікафрикалық коронавирус штамы біздің облыста бар екені белгілі болды. Қайсысы британдық, қайсысы оңтүстікафрикалық штамм екені айдың аяғында нақтыланады. Жалпы сынамалардың 40 пайызы мутацияанған деген мәлімет бар, – деді М.Арыспаев.
Екіншіден, карантиндік шаралардың сақталмауы – аурудың көбеюіне себеп болып отыр. Мәселен, үй жағдайында отбасы мүшелерінің бірі ауырып, басқаларына жұғуы, қоғамдық көліктерде немесе той-жиындар кезінде ауру жұқтыру фактілері бар.
Наурыз айында 62 мың адам ПТР тест тапсырған. Бұл ақпан айындағыдан 10 мың зерттеуге артық. Бұл ауру жағдайларының және науқастармен байланыста болған адамдардың көбеюіне байланысты.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу