Кіру«DIGITAL AQJAIYQ» ТҰЖЫРЫМДАМАСЫ АЯСЫНДАҒЫ ЖОБАЛАР ТАЛҚЫЛАНДЫ
Бүгін облыс әкімі А.С. Көлгіновтің қатысуымен «Батыс Қазақстан облысының ақпараттандыру, мемлекеттік көрсетілетін қызметтер және архивтер басқармасының» кеңсесінде «Digital Breakfast» іс-шарасы ұйымдастырылды.
Аталған басқарманы құру туралы шешім ағымдағы жылдың мамыр айында қабылданған болатын. Басқарманың басты мақсаты «Цифрлық Қазақстан» мемлекеттік бағдарламасы аясындағы тапсырмаларды орындау және үйлестіру болып табылады.
Іс-шарада өңірде құрылған IT қоғамдастығымен кездесу және Digital AQJAIYQ тұжырымдамасы аясында атқарылып жатқан жобалардың дамуы талқыланды.
Кездесуде іске асырылатын және ағымдағы жобалар таныстырылды. Атап айтқанда 112 және 109 бірыңғай Call-орталықтарын құру, облыстық геопортал, электронды сәулет порталы және «Кіші индустриалды зона – IT HUB» құру мәселесі.
Сонымен қатар, облыс әкімі ресми түрде Smart Uralsk мобильді қосымшасын Google Play Market цифрлық жүйесінде іске қосты. Мобильді қосымша арқылы тұрғындар сұранысқа ие қалалық қызметтер туралы ақпаратты алуға мүмкіндігі бар (жер және тұрғын үй кезегін білу, коммуналдық төлемдер, білім беру және денсаулық сақтау қызметтері және т.б.)
Аталған іс-шараға өңірдің IT қауымдастығы, үкіметтік емес ұйымдар және мемлекеттік орган өкілдері қатысты.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу