КіруБҚО ПОЛИЦЕЙЛЕРІ ОҚУ-ЖАТТЫҒУ ЖИЫНЫНАН ӨТУДЕ
1171 батысқазақстандық полиция қызметкері оқу-жаттығу жиынынан өттІ.
Қазақстан Республикасы Ішкі істер министрлігінің тапсырмасына сәйкес Батыс Қазақстан облысының полиция қызметкерлері жыл сайын оқу-жаттығу полигоны базасында және «Динамо» спорт базасында дайындықтан өтеді.
Бүгінгі күнге дейінгі жағдай бойынша 1 171 тәртіп сақшысы оқу-жаттығу жиынында жаттықты. Олар 6 тәулік бойы казарма режимінде тұрды. Алты күндік жаттығу барысында полиция қызметкерлері атыс, дене шынықтыру, арнайы-тактикалық дайындық және күрестің тәсілдері бойынша сабақтарға қатысып, соңында белгіленген нормативтер бойынша сынақ тапсырды.
– Бұл жаттығулар полицейлердің ұйымдасқан түрде батыл әрі сенімді әрекет етуіне септігін тигізеді. Бір ауысымда бір ғана саланың емес, әр түрлі бөліністердің, қалалық және аудандық полиция бөлімдерінің қызметкерлері қатарынан құрылған топ дайындықтан өтеді. Мұндай тәжірибе қызмет бабында бізге өте қажет, – деп атап өтті БҚО ПД бастығының орынбасары Бағдар Әбуов.
Жаттығу барысында күрестің жауынгерлік әдіс-тәсілдері, құжаттарды тексеру кезінде жеке қауіпсіздікті қамтамасыз ету шаралары, күдікті адамдарды ұстау және қарау, автокөлікпен жүріп бара жатқан адамды ұстау, тұрғын үй-жайларды тексеру, қоғамдық тәртіпті топтасқан түрде бұзушылықты оқшаулау кезінде қызметкерлердің іс-әрекеті тактикасы, жәбірленушілерге алғашқы медициналық көмек көрсету, тапаншадан және автоматтан ату тәсілдері бойынша үйрету жұмыстары жүргізілді. Сабақтарды арнайы даярлық басқармасының және медициналық топтың дәрігер-мамандары өткізді.
Аталған оқу-жаттығу жиынынан кестеге сәйкес барлық полицейлер өтеді.
БҚО Полиция департаментінің баспасөз қызметі
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу