КіруОРАЛДА КӨПҚАБАТТЫ ҮЙДЕН ӨРТ ШЫҚТЫ
Оқиға бүгін, 15 қаңтар күні таңда болған.
БҚО Төтенше жағдайлар департаментінің мәліметінше, таңғы сағат 4.10 шамасында «101» байланыс телефонына Орал қаласы Гагарин көшесі, 46/1 мекенжайында орналасқан 4 қабатты тұрғын үйдің 3-қабатында орналасқан №22 пәтерде өрт шыққандығы туралы хабар түскен.
Өрттен жалпы ауданы 15 шаршы метр аумақта пәтердің жиһаздары, жеке заттар мен тұрмыстық техникасы өртеніп кеткен. Өрт сөндірушілердің ұтымды іс-әрекетінің нәтижесінде, өрт орнынан 14 адамды қауіпсіз жерге эвакуациялады, оның ішінде үшеуі бала.
Өрт сағат 5.10-да толықтай сөндірілді. Өртті ауыздықтауға Департаменттен 12 жеке құрам мен 5 техника жұмылдырылды.
Өрттің шығу себебі анықталуда.
Сала мамандары облыс тұрғындары мен қонақтарына жылыту маусымы кезінде өрт қауіпсіздігі ережелерін қатаң сақтауды ескертеді. Спирттік ішімдіктерді асыра пайдаланбауды және төсекте темекі шекпеуді сұрайды.
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу