КіруҚОҚЫС ЖӘШІКТЕРІ НЕГЕ САПАСЫЗ
Орал қалалық мәслихатының индустриалдық даму, инфрақұрылым және тұрғын үй коммуналдық мәселелері жөніндегі комиссия мүшелері қаланың санитарлық тазалығына жауапты мекемелердің бірі – «ОралТазаСервис» ЖШС-нда көшпелі комиссия отырысын өткізді.
Қаладағы ««ОралТазаСервис» ЖШС көп пәтерлі және жеке үйлерден шығарылатын тұрмыстық-қатты қалдықтарды тасымалдаумен айналысады. Сол сияқты жазғы және қысқы маусымдарда қала ішіндегі көлік жолдарын тазартып, қар шығару ісімен айналысады әрі өздеріне бекітілген аумақтарға санитарлық тазалау жұмыстарын жүргізеді. Кездесу барысында серіктестік басшысы Рафхат Данағұлов депутаттарды мекеменің қазіргі жағдайымен таныстырды. Бұдан бұрын да мекеменің жай-күйінен хабардар халық қалаулылары білікті басшының жаңашыл бастамаларды қолға алғанын көріп қуанды.
Жаңа бағдарлама іске қосылады
Қазіргі таңда 150-дей адам еңбек етеді. Жалақылары уақытылы. Мекеме балансында 40 арнайы техника бар. Күні бүгінде қаланың 700 нүктесінде 3000 қоқыс жәшігі орнатылған. Күніне 25 машина қоқыс жинауға шығарылады екен. – Күні бүгінде абоненттік және келісімшарт бөліміне бірыңғай база орнатылды. Қоқыс таситын көліктердің бәрін қадағалап отыратын эксплуатация бөліміне Мәскеуден бір бағдарламаға тапсырыс беріп жатырмыз. Бағдарлама аясында әр жүргізушіге планшет беріледі. Олар қоқыс жәшіктерін қоқысты тазаламас бұрын, тазалағаннан кейін суретке түсіреді. Оның бәрі бірыңғай базада сақталады, – дейді серіктестік басшысы. Бағдарлама жүзеге асқан соң кез келген тұрғын сайтқа кіріп, қала қаншалықты деңгейде тазаланғанын қадағалай алады. Қазіргі таңдағы ең үлкен мәселе – қоқыс жәшіктерінің ескілігі. Негізінен толықтай ауыстыруды қажет етеді. Осыдан екі жыл бұрын орнатылған 500-ге жуық еуропалық үлгідегі қоқыс жәшіктерінің металы өте жұқа болғандықтан, сапасы сын көтермеді, яғни қоқыстың салмағына шыдас бермей, дөңгелектері сынып пайдасыз болып қалған. Ағымдағы жылы қоқыс жәшіктері мүлдем жаңартылмағаны өз алдына, жетіспейді де. Талапқа сай бір нүктеде 5-6 қоқыс жәшігі тұруы керек болса, қазір 1-2-еуден ғана қойылған. Бір әттеген-айы, кей тұрғындар қоқыс жәшіктерін тұрмыстық қалдықтармен қоса топырақпен де толтырады екен.
Жұмыс сапасын арттыру үшін соңғы үш жылда барлық көлікке арнайы «GPS» қондырғысы орнатылған. Соның нәтижесінде жүргізушілердің күнделікті жұмысын, яғни қоқысты уақытылы тасымалдауын, күніне тиесілі жанармайды үнемді жұмсауына дейін мамандар компьютер арқылы бақылап отырады.
100 млн. қарыз қордаланған
Депутат Александр Крылов бүгінде тұрғындардың қордаланған қарыздарын қайтару жайын сұрады. Мекеме басшысының айтуынша, бүгінде тұрғындардың қоқысқа берешегі 100 млн.-ды құрайды. Қазіргі таңда борышкерлерге ескертулер жіберілуде. Одан әрі іс сотта қаралады. Қазір қала халқының 50 пайызы ғана қарызын уақыты төлейді. Тамыз айының 1-інен бастап қоқыс тарифі көпқабатты үй тұрғындары үшін – 215, жеке секторлар үшін 219 теңге болып бекітілген. Сондай-ақ жанар-жағармай бағасының жұма сайын шарықтауы да мекеме жұмысының ілгерілеуіне кедергі келтіруде, қазір жанармай бағасы 200 теңгеге жеткен.
Мекеменің өзекті мәселелерін тыңдаған депутаттар мәселенің түйінін шешуге атсалысатындарын жеткізді.
Кәусар БАЙҒАЛИЕВА
Версия для печати
Соңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
Пікір үстеу