КіруСТУДЕНТТЕРГЕ ҚЫЗМЕТ КӨРСЕТУ ОРТАЛЫҒЫ АШЫЛДЫ
Бүгін Жәңгір хан атындағы БҚАТУ-да студенттерге қызмет көрсету орталығы ашылды. Орталықтың ашылуына БҚО әкімі Алтай Көлгінов қатысты. Сондай-ақ өңір басшысы оқу ордасының 1 курс студенттеріне «Білімге талпыныс – жетістіктің негізгі кілті» тақырыбында қоғамдық дәріс өткізді.
– Елбасымыз келесі жылды Жастар жылы деп жариялады. Жастар жылы жастарды мемлекет тарапынан жан-жақты қолдауға ден қойылады. Ең басты қолдау – оқу, білім алуға, әр жастың өз біліктілігін жетілдіруге деген мүмкіндік. Президент Тәуелсіздігіміздің алғашқы жылынан бастап білімге көңіл бөліп келеді. Білім іздеген жастардың «Болашақ» бағдарламасымен шетелде білімдерін жетілдіруіне мүмкіндік жасалды. Елімізде Назарбаев университеті ашылды. Назарбаев зияткерлік мектептері жұмыс жасауда. Лицейлер қажетті құрал-жабдықтармен қамтамасыз етілуде. «Президенттің 5 әлеуметтік бастамасы» аясында биыл қосымша гранттар бөлінді. Бұл грантты иеленген жастар осы университетте де білім алуда. Қазір жаһандану заманы. Жаңа технологиялар күннен күнге қолданысқа енуде. Цифрландыруға байланысты көптеген жұмыс орындары қысқартылады. Ол қазірдің өзінде өндіріс орындарында байқалуда. Мәселен, құрылыс материалдарын шығаратын «Агран» фирмасында бұрын 60-70 адам жұмыс жасаған болса, қазір дәл сонша адамның жасайтын жұмыс көлемін сегіз қызметкер ғана атқарады. Өйткені барлық жұмыс автоматтандырылған. Бұл құрал-жабдықпен жұмыс жасайтын білікті мамандар ғана бәсекеге қабілетті бола алатынын көрсетеді. Әлемдегі алдыңғы қатарлы мемлекеттер қатарына білімімізбен ғана жете аламыз. Осы ретте жаңадан ашылған студенттерге қызмет көрсету орталығы жастарға қосымша қолдау болып, қызмет сапасы артады деп сенеміз, – деді Алтай Сейдірұлы.
Жаңа орталық «Цифрлы Қазақстан» мемлекеттік бағдарламасы аясында Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің қолдауымен ашылып отыр. Мұнда анықтамалар мен транскрипттер, диплом түпнұсқаларын беру, білім алушыларды оқу пәндеріне тіркеу, гранттар мен шәкіртақыларға өтініштерді қабылдау, оқу ақысын нақтылау, ауысулар, қайта қабылдау, академиялық демалыс пен оқудан шығу мәселелері және академиялық ұтқырлық бағдарламаларына қатысу бойынша жалпы 35 қызмет түрі көрсетіледі. Әрі «бір терезе» қағидасы бойынша уақытылы және сапалы қызмет көрсету назарда болмақ. Яғни бұл орталық қағаз түріндегі құжат айналымын қысқартып, «адам факторы» мен оларға байланысты қателердің азаюына ықпал етпек. Сәйкесінше сыбайлас жемқорлық тәуекелдеріне жол берілмейді. Оқу үрдісінің ақпараттық ашықтығы мен айқындығы қамтамасыз етіледі.
Университеттің академиялық мәселелер жөніндегі басқарма басшысы Жанна Құбашеваның айтуынша, орталық үш құрылымнан тұрады: оқытушылардың жүктемесін жоспарлау, студенттерге қызмет көрсету және оқу кестесін құру. Бес факультеттің әрқайсысына арнайы терезе жасақталған. Студенттерге қызмет көрсету бөлімінде сегіз маман жұмыс жасайды.
– Мамандар қазір «Platonus» бағдарламасымен жұмыс жасауда. 1 қарашадан бастап жаңа жұмыс бағдарламасына көшіріледі. Ол кезде студенттер қажетті анықтамаға онлайн режимінде сұраныс бере алады. Инспекторларлар анықтаманы дайындап, өтініш берушінің электронды поштасына жолдайтын болады, – дейді Жанна Қайыржанқызы.
Эльмира НҰҒМАНОВА
Версия для печатиСоңғы жаңалықтар
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
Пікір үстеу