КіруОРАЛДА ЖАППАЙ ДЕЗИНФЕКЦИЯЛАУ ЖҮРГІЗІЛУДЕ
Бүгін өңірлік коммуникациялар қызметінің ақпарат алаңында өткен төтенше жағдайдың енгізілуіне байланысты жергілікті атқарушы органдар тарапынан қабылданған іс-шаралар туралы брифингте Орал қаласы әкімі Абат Шыныбеков шаһарды жаппай дезинфекциялау басталғанын жеткізді.
Қазіргі таңда барлық коммуналдық қызмет жүйелері күшейтілген режимде жұмыс жасауда. Қаламызда 376 аялдама павильоны бар. «Жайық таза қала» ЖШС күн сайын қаладағы аялдамаларды дезинфекциялау жұмысын жүргізуде. Күнделікті желіге шығатын 400-ге жуық қоғамдық көлікте әр айналым сайын дезинфекциялық жұмыстар атқарылуда. Жолаушылар ағымының азаюына байланысты автобустар саны қысқартылды.
Сонымен қатар пәтер иелері кооперативтері мен жеке меншік тұрғын үйлердің подъездері, қалалық көпшілік орындарда санитарлық тазарту жұмысы жасалуда.
– Коронавирустың алдын алу шараларының басты міндеті – жан-жақты зарарсыздандыру. Бүгінде жаппай дезинфекция жұмыстары басталды. Дезинфекциялық жұмыстарды жүргізу үшін қалалық төтенше жағдай резервінен қажетті қаржы бөлініп, антисептик, маска, қорғану киімдері алынды. Қала көшелері, тротуарлар, қалалық мәдениет және демалыс саябағында дезинфекция жүргізілді. Сондай-ақ 598 көп пәтерлі тұрғын үйде дезинфекция жұмыстары атқарылуда, – деді Абат Абайұлы.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу