Кіру90 пәтерлі тұрғын үй иелерін тапты
Қала күні мерекесі қарсаңында Зашаған кентінде «7-20-25» мемлекеттік бағдарламасы аясында 90 пәтерлі тұрғын үй пайдалануға берілді. Тұрғындарының қуанышын өңірімізге арнайы жұмыс сапарымен келген «Нұр Отан» партиясы төрағасының орынбасары «Нұр Отан» партия төрағасының бірінші орынбасары Мәулен Әшімбаев пен облыс әкімі Алтай Көлгінов бірге бөлісіп, қоныс иелеріне пәтер кілтін табыстады
Өңірімізде тұрғын үй құрылысы қарқынды жүруде. Жыл басынан бері 250 мың шаршы метрден аса баспана пайдалануға берілді. Жыл аяғына дейін 415,7 мың шаршы метр, оның ішінде «7-20-25» бағдарламасымен 46 мың шаршы метр баспана салынады деп жоспарлануда.
– Баспананы кез келген отбасы үшін болашаққа салынған инвестиция десек те, артық емес. Осылайша Елбасы барша қазақстандықтардың үйлі болуына даңғыл жол ашып, ипотекалық несиелердің қолжетімділігін қамтамасыз етіп отыр. Осы сапар нәтижесінде бес бастаманың Шығыс Қазақстан облысында табысты жүзеге асырылып жатқанына куә болдық. Алдағы уақытта да партия бұл жұмыстарды бақылауды жалғастыра береді. Пәтер иелерін баспаналы болуларымен, ал барша оралдықтарды қала күні мерекесімен құттықтаймын – деді партия Төрағасының Бірінші орынбасары.
«7-20-25» бағдарламасының жүзеге асыруға жауапты екінші деңгейлі банк өкілдерінің айтуынша, Батыс Қазақстан облысы бойынша 55 өтініш келіп түскен. Айта кетсек, Орал қаласында баспана алу кезегінде 19 мың тұрғын кезекте тұр.
Кәусар БАЙҒАЛИЕВА
Версия для печатиСоңғы жаңалықтар
Қазақстан Республикасының Президенті Қасым-Жомарт ТОҚАЕВ: МАҚСАТЫМ – ЭКОНОМИКАНЫ ЖӘНЕ ЕГЕМЕНДІКТІ НЫҒАЙТУ
Ақын-жазушылардың шығармашылығын қолдау – қоғамның рухани дамуының негізі
NABICOM – ШАЛҒАЙ АУЫЛДАР ҮШІН ИНТЕРНЕТ ЖӘНЕ БЕЙНЕБАҚЫЛАУ!
Хадиша Бөкеева атындағы облыстық қазақ драма театрының жаңа маусымы көрермендерге тың туындылар тарту етуде.
Пікір үстеу