Кіру21 КЕЛІ ЕСІРТКІМЕН ҰСТАЛДЫ
БҚО Полиция департменті есірткіге қарсы қылмыспен күрес жөніндегі басқармасының қызметкерлері жедел іздестіру жұмыстары барысында ірі көлемдегі есірткі затын тасымалдаған азаматты ұстады.
7 сәуірде сағат 23.00 шамасында Орал қаласының айналма магистралінде Зачаганск кентінде орналасқан кафенің жанында «Шымкент-Орал» тұрақты автобусының М есімді жолаушы, Жамбыл облысының тумасы тексеріліп, жеке қарау кезінде екі жол сөмкесі тәркіленді. Екі қапшықта да белгілі бір иісі бар өсімдік заты бар таспаға оралған әрқайсысында бір-бір қап болған.
Сонымен қатар олар полиэтилен пакет тәркіледі, оның ішінде 13 иісі бар, өсімдік тектес ұнтақты заттары бар полиэтилен пакеттері болған. Өзінің айтуынша, осы үлкен сөмкелерде әрқайсысы 10 келіден кептірілген марихуана, ал 13 пакетте гашиш болған. Ұстау кезінде ол бұларды Оралда тарату мақсатымен әкелгенін айтып, кінәсін толығымен мойындады.
Аталған факті бойынша ҚР Қылмыстық кодексінің 296-бабы, 4-бөлігі (ірі көлемдегі есірткі, психотроптық заттарды және олардың аналогтарын заңсыз дайындау, өңдеу, алу, сақтау, тасымалдау) бойынша сотқа дейінгі тергеу басталды.
Сараптама қорытындысы ұсынылған заттар 20 келіде «кептірілген марихуана» және 1 келі «гашиш» екені нақтыланды. Ұсталған жамбылдық азамат БҚО Полиция департаментінің уақытша ұстау изоляторына қамалды.
Қазіргі уақытта жедел алдын алу іс-шаралары жүргізілуде.
Эльмира НҰҒМАНОВА,
zhaikuni.kz
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу