КіруНАУҚАС АТЫРАУДАН ЖЕКЕ КӨЛІГІМЕН КЕЛГЕН
Бүгін Батыс Қазақстан облысында «COVID-19» инфекциясын жұқтырған тағы бір адам тіркелді. Коронавирустық инфекция табылған азамат – Атырау облысында вахталық әдіспен жұмыс жасайтын 30 жастағы Батыс Қазақстан облысының тұрғыны. Атыраудан жеке көлігімен жалғыз өзі келген. Бұл туралы БҚО өңірлік коммуникациялар қызметі ұйымдастырған брифингте БҚО тауарлар мен көрсетілетін қызметтердің сапасы мен қауіпсіздігін бақылау департаментінің басшысы Мұхамғали Арыспаев мәлімдеді.
Алдымен азамат тұрғылықты жері бойынша үй оқшаулауына алынып, медицина қызметкерлерімен коронавирус инфекциясына зертханалық сынама алынған. ПТР диагностикалық зерттеу қорытындысымен пациентте COVID-19 диагнозы нақтыланған. Қазіргі таңда науқастың жағдайы қанағаттанарлық. Облыстық жұқпалы аурулар ауруханасына жатқызылған.
Науқаспен қарым-қатынаста болған адамдар анықталып, барлығы медициналық бақылауға алынды. Ауру ошағында эпидзерттеу және дезинфекциялық жұмыстар жүргізілді.
Эпидемияға қарсы іс-шаралар жалғасуда. Күні бүгінгі жағдай бойынша облысымызда COVID-19 коронавирустық инфекцияға шалдыққан 126 адам тіркеліп отыр, 7 адам жазылып шықты.
Облыстық жұқпалы аурулар ауруханасында – 119 адам, провизорлық стационарда – 13, карантиндік стационарда – 361, үй оқшаулауында – 1653 адам дәрігерлер бақылауында.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу