Кіру150 мың қазақстандық қол қойған петиция жарамсыз болып шықты
150 мыңнан астам қазақстандық қол қойған тұрмыстық зорлық-зомбылыққа қарсы петиция жарамсыз болып шықты. Бұл туралы әділет вице-министрі Алма Мұқанова мәлімдеді.
Экс-министр Қуандық Бишімбаевтың әйелі Салтанат Нүкенованы өлтіргені туралы ақпараттан кейін қазақстандықтар мемлекет басшысына әйелдер мен балаларға қатысты тұрмыстық зорлық-зомбылық үшін жазаны қатайту қажеттігі туралы ашық үндеу жариялауды белсенді түрде бастады. Аталмыш петиция Otinish.kz сайтында жарияланған, 5 желтоқсандағы жағдай бойынша оған 150 мың адам қол қойған.
«Қарқын алған петицияға келетін болсақ, менің білуімше, ол 2021 жылы жарияланған және қазіргі уақытта бұл петицияға көптеген адам қосылды. Яғни, бұл петиция петицияларға арналған тәртіп енгізілгенге дейін басталған», – деді Алма Мұқанова.
Вице-министр петиция құрудың ресми тиісті платформасы әзірленгенін және заңға байланысты актілер деңгейінде қызметті реттеу рәсімінен өтіп жатқанын айтты.
«Бұл жағдайда тұрғындардың Е-петиция заңды платформасы іске қосылған кезде петицияны қайта құруға мүмкіндігі бар. Бірақ 150 мың қол жинаған петиция туралы айтатын болсақ, ол іс жүзінде жарамсыз, – деді Алма Мұқанова.
Еске салсақ, бұған дейін президент Қасым-Жомарт Тоқаевтың ел азаматтарының өтініштерін қарауды көздейтін «Қоғамдық бақылау туралы» заңға қол қойғаны туралыжазған болатынбыз. Жаңа заңға сәйкес, Қазақстанда кемінде 50 мың қол жинаған петиция, үкімет деңгейінде қарастырылады.
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
