Кіру11 күнде тұрмыстық жанжал туралы 4 мыңнан астам хабарлама тіркелді
Бұл туралы ІІМ Әкімшілік полиция комитетінің аға инспекторы Ақмарал Серікбаева айтты.
«Осы жылдың 15-26 қаңтары аралығында ел аумағында «Тұрмыс» алдын алу іс-шарасы өткізілді. Оның қорытындысына сай полицияда отбасылық, тұрмыстық жанжал туралы 4 мыңнан астам хабарлама тіркелді. Соның 1,5 мыңын полиция қызметкерлері өздері үйлерді аралау барысында анықтады. Іс жүзінде «агрессорлардың» барлығы немесе 95 пайызы әкімшілік жауапкершілікке тартылды», – деді ол ІІМ баспасөз қызметі алаңында өткен брифингіде.
ІІМ өкілі отбасылық жанжалдың негізгі себебі маскүнемдік, лудомания, адамгершілік құндылықтардың төмендеуі және соның салдарынан отбасы институтының жоғалуы екенін айтады.
«Осындай зорлық-зомбылықтың себептерін уақтылы анықтау және жою үшін алдын алу іс-шаралары қолға алынды. Тұрмыстық зорлық-зомбылық жасағаны үшін бұрын полицияның назарына түскен 39 мыңға жуық адаммен профилактикалық әңгіме жүргізілді.
Қауіптілік деңгейін анықтау үшін 3 669 отбасыдан сауалнама алынды. Сауалнама нәтижесінде 559 отбасында қайта құқық бұзушылық жасау қаупі жоғары екені анықталды. Сондай-ақ құқық бұзушыларға агрессияны болдырмау үшін психокоррекциялық курстардан өз еркімен өту ұсынылды. Өмірлік қиын жағдайдағы 675 отбасы, оның ішінде қолайсыз әлеуметтік ортадағы зорлық-зомбылық белгілері бар балалары анықталды. Олар туралы көмек көрсету үшін мүдделі мемлекеттік органдарға ақпарат жіберілді», – деді Ақмарал Серікбаева.
Дереккөз: kazinform.kz
Соңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
