КіруЖАҢА БӨБЕКЖАЙ АШЫЛДЫ
🔰Зашаған кентінде 160 орындық бөбекжай жұмысын бастады. «Қала күні» мерекесімен тұспа-тұс келген бөбекжайдың ашылу салтанатына қала әкімі Миржан Сатқанов қатысып, құттықтау лебізін білдірді.
– Бүгінгі күні қаламыздағы 157 мектепке дейінгі ұйымда 18 мыңдай бүлдіршін тәрбиеленуде. 3-6 жас аралығындағы мектеп жасына дейінгі балалар 100 пайыз балабақшамен қамтылды. Зашаған кенті шаһардағы халық тығыз орналасқан аудан. Тұрғындар саны жылдан жылға артып келеді. Сондықтан әлеуметтік нысандардың салынуы маңызды. Осы істе жеке кәсіпкерлердің белсенділігі қуантады. Заманауи үлгіде жаңа балабақшаны ашуда бастамашы болған азаматтарға алғысымызды білдіреміз. Балабақшаның ашылуы, «Қала күні» құтты болсын, – деді қала басшысы Миржан Мұнайдарұлы.
Салтанатты шараға қатысқан ата-аналар, меймандар да өз тілектерін білдірді.
Заманауи үлгіде салынған «Аяна» балабақшасының ашылуымен тағы 160 бала мектепке дейінгі ұйыммен қамтылатын болады.
Типтік үлгідегі екі қабатты бөбекжай ғимаратының аумағы 3210 шаршы метр. Жалпы аумағы – 5850 шаршы метр. Оқу-тәрбие жұмысы мемлекеттік тілде жүргізіледі. Балалардың алаңсыз ойнап, жан-жақты қалыптасуы үшін барлық жағдай жасалған. Медициналық бөлімі, асхана, акт залы, психолог, үйірме, ойын бөлмелері бар.
Эльмира Нұғманова.
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу