КіруЖ.ДОСМҰХАМЕДОВ КОЛЛЕДЖІНІҢ СТУДЕНТІ «ҚАЗАҚСТАННЫҢ ТОП-100 СТУДЕНТІ» ЖОБАСЫНЫҢ ЖЕҢІМПАЗЫ АТАНДЫ
Ж.Досмұхамедов атындағы жоғары педагогикалық колледжінің студенті Алина Қасым «Қазақстан Республикасы колледждерінің «ТОП-100 студенті» жобасына белсене қатысып, республикалық байқауда топ жарды. Сүйінші хабарды БҚО білім басқармасы баспасөз қызметі жеткізді.
Аталған жоба елімізде екінші жыл өткізіліп отыр. Жеңімпаздарды онлайн конференция арқылы Білім және ғылым вице-министрі Шолпан Каринова құттықтады. Ашық диалогтық алаңда студент жастар жоба туралы және бүгінгі күннің озық ойлы жастары туралы өз ойларын ортаға салды.
«ҚР колледждерінің ТОП 100 студенті» жобасына қатысып, өңір мақтанышына айналған үздік студент Алина Қасымды құттықтаған басқарма басшысы Айгүл Мыңбаева жеңімпаздың алдағы уақытта өз ісінің шебер маманына айналатынына сенім білдіріп, диплом және 100 000 теңгенің сертификатын, білім басқармасының атынан алғыс хат табыстады. Ал колледж директоры Светлана Бахишева жобаға қатысқанын растайтын сертификат пен Орал қаласындағы №50 жалпы білім беретін мектепке жұмысқа орналасуға жолдама ұсынды.
Сондай-ақ осы жобаға өңірімізден қатысқан студенттерге алғыс хаттар берілді.
zhaikuni.kz
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу