КіруТОҒАЙДА АДАСЫП КЕТКЕН ЖІГІТ 20 САҒАТТАН КЕЙІН ТАБЫЛДЫ
БҚО ТЖ департаменті жедел құтқару жасағының бас құтқарушы-психологы Лейла Әбдірахманованың мәліметінше, 24 ақпан күні сағат 12.00 шамасында БҚО ТЖД жедел-құтқару жасағының кезекшілік қызметіне 1994 жылғы жас азаматтың жоғалып кеткені туралы ақпарат түскен. Құтқарушыларға адасып кеткені туралы азаматтың өзі хабарлаған. Ол таңғы 05.00 шамасында үй ішіндегілермен ренжісіп, Курени ауданында Жайық өзеніне жағалап тоғайға кіріп кетеді. Құтқарушылар азаматпен телефон арқылы байланысып отырғанымен, ол өзінің тұрған орнын түсіндіре алмаған.
Іздестіру жұмыстарына полиция қызметкерлері де жұмылдырылды. Бағдарлық бағытты анықтауға полиция ұсынған оның телефонындағы геолокацияның да көмегі де тиді.
Құтқару-іздестіру жұмыстарына жасақтың 35 құтқарушысы, 2 кинолог, 6 техника мен 2 қар шанасы тартылды. Сондай-ақ іздестіру жұмысына арнайы дайындалған «Джесси» мен «Мари» иттерінің де үлесі зор болғанын атап өту керек.
Ұзаққа созылған іздеу жұмыстарының нәтижесінде кешкі сағат 20.00 шамасында адасқан азаматтың ізіне түсіп, түнгі сағат 1.00-де Нұрмахан Жұмағалиев пен Марлен Берқалиев Утюжный затон ауданындағы қалың орманнан қатты тоңып, әлсіреген азаматты тапты. Құтқарушылар алғашқы медициналық, психологиялық көмек көрсетіп, жылы киім берді.
Түнгі сағат 2.00-ге таяу құтқарушылар жас жігітті тоғайдан алып шығып, жедел жәрдем бригадасына тапсырды.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу