КіруШаруалардың ұсыныстары қаралды
Батыс Қазақстан облысында Бөкей ордасы ауданы шаруаларының көтерген мәселелеріне қатысты кеңес өтті. Жиынға облыс әкімінің орынбасары Қалияр Айтмұхамбетов төрағалық етті. Басқосуға тиісті департамент пен басқармалардың жетекшілері, сондай-ақ «Нарын» шаруа қожалығының басшысы Нағим Тәжімұратов қатысты.
Кездесуде Ресей Федерациясына әскери-сынақ полигоны ретінде жалға берілген аумақтарды ауыл шаруашылығы мақсатында пайдалану мәселесі талқыланды. Әсіресе аталған жерлерде мал шаруашылығын жүргізуге қатысты шаруалардың ұсыныстары мен қолданыстағы талаптар сөз болды.
Бөкей ордасы ауданының әкімі Нұрлыбек Даумовтың мәліметінше, полигон басшылығының келісімі негізінде ІІ санаттағы кейбір жер учаскелері қысқы мал азығын әзірлеу үшін шаруашылықтарға уақытша пайдалануға беріліп келеді. Алайда бұл аумақтарды маусымдық жұмыстардан тыс пайдалануға шектеу қойылғанына қарамастан, полигон территориясында қыстақтар бой көтеріп, заң талаптарына қайшы құрылыс нысандары салынғаны анықталған.
Осыған байланысты аудан әкімдігі тарапынан жұмыс тобы құрылып, мәселені зерделеу және заң аясында тиісті шаралар қабылдау бағытында жұмыстар жүргізілуде.
Жиында облыстық жер ресурстарын басқару департаменті басшысының орынбасары Тахир Нұрахметов баяндама жасады. Оның айтуынша, кеңес барысында келтірілген мәліметтер негізінде уәкілетті орган заңнама талаптарына сәйкес тексеру жүргізеді.
Кеңес қорытындысында облыс әкімінің орынбасары Қалияр Айтмұхамбетов бақылау шараларын күшейтудің қажеттігін атап өтті. Ол жауапты органдар арасындағы өзара байланысты жолға қойып, мәселені шешудің нақты тәртібін қалыптастыру маңызды екенін айтты.
Аудан әкіміне жер ресурстарын басқару департаменті жүргізетін тексеру жұмыстарына жергілікті уәкілетті органдармен қатар қоғам өкілдері мен шаруа қожалықтарының қатысуын қамтамасыз ету тапсырылды. Ал салалық басқармаға тексеру нәтижелерін негізге ала отырып, мәселені қайта қарауға арналған келесі кеңесті ұйымдастыру міндеті жүктелді.
Соңғы жаңалықтар
Развитие ядерно-топливного цикла в Казахстане: от сырья к высокотехнологичной продукции
От скорости решений к новым инвестициям: Кристиан Гроссе о преимуществах Курултая
Абайды ұлықтау, экология және отандық өндіріс: партиялар 10 тамызда сайлаушыларға не ұсынды
Эксперт из Алжира назвал выборы депутатов Курултая важным этапом развития Казахстана
Более 90% избирательных участков в Казахстане доступны для лиц с инвалидностью
АЭС және радиациялық қауіпсіздік: Қазақстан мамандарды қалай даярлап жатыр?
Сайлау учаскелерін жедел анықтауға мүмкіндік беретін онлайн-сервистер іске қосылуда
Әлеуметтік сауалнама: Қазақстандықтардың сайлау процесіне қатысу белсенділігінің артқаны байқалады
Азамат сайлау учаскесін іздеуге арналған онлайн-сервистерге QR-код арқылы өте алады
Батыс Қазақстан облысының әкімі Нариман Төреғалиевтің Абай күнімен құттықтауы
Однопалатный Курултай задает новые стандарты парламентской работы – эксперт
Қазақстандықтар Құрылтай сайлауына қатысты ақпаратты қайдан алады — сауалнама нәтижелері
Экологиялық керуен, инклюзия және өндірісті қолдау: партиялар өңірлерде қандай мәселе көтерді
Неліктен 120 балл грант алуға әрдайым кепілдік бермейді, ал 100 балл жеткілікті болуы мүмкін?
Туризм және спорт министрі «Болашақ ойындары 2026» аясындағы фиджитал-футбол жарысына қатысты
Откуда казахстанцы узнают о партиях и кандидатах на выборах в Курултай — результаты опроса
