КіруҚҰРЫЛЫСЫ БАСТАЛҒАН ҮЙЛЕРГЕ ҰРЛЫҚҚА ТҮСКЕН
Орал қаласы Полиция басқармасының криминалдық полиция бөлімінің мүліктік қылмыстарды ашу тобы 19 эпизодтан тұратын ұрлық фактілерін ашты. «Қаңтар айынан басталып, наурыз айының соңғы күніне дейін бұл қылмыс жалғасып, жедел-іздестіру іс- шаралары барысында ашылды» дейді КПб жедел уәкілдері.
Орал қаласы Полиция басқармасы баспасөз қызметінің хабарлауынша, топ құрамындағы 3 жігіт қала ішіндегі құрылысы басталып, салынып жатқан үйлердің бірінші қабатындағы пластик терезелерді ішке қарай итеріп ашып, үй ішіндегі құрылысқа қажетті құралдарды ұрлаған екен. Мысалы, дәнекерлеу аппараты, жар тесетін бұрғылар, жылыту батареялары, электор қаңылтыр кескіштер, теледидарлар, т.б. Үшеуі қылмыстық ойларын көз байланатын түнде ғана жүзеге асырған.
Топ құрамындағы 1992, 1994, 1999 жылғы үш жігіт Орал қаласының тұрғындары, бұған дейін де түрлі қылмыстық істермен есепке алынған көрінеді.
Бүгінгі күні Орал қ.ПБ тергеу бөлімінің өндірісінде Қазақстан Республикасы қылмыстық кодексінің 188- бабының 3-бөліміне сай 19 эпизодпен қылмыстық іс тергелуде. Күдіктілердің жасырып келген айғақ заттары тәркіленді. Қылмыстарын толықтай мойындап отыр. Заттардың көпшілігі өз иелеріне қайтарылып, жеке мүліктерін таныған қала тұрғындары құрылыс саймандарын алып кетуде.
Бірнеше қала тұрғынын әбігерге салып, заттарын ұрлаған қылмыстық топ жедел уәкілдердің тыным таппай іздеуі, із кесуі нәтижесінде ашылды. Алдағы күндері бұл күдіктілердің заң алдында жазасы тағайындалады.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу