КіруОРАЛДА ЖОЛАУШЫЛАР ТАСЫМАЛЫ ҮШІН 100 ЖАҢА АВТОБУС АЛЫНАДЫ
Бүгін, 16 ақпан күні Орал қаласы әкімі Абат Шыныбеков халықпен онлайн есептік кездесуде биыл қала көшелерін жөндеу жұмысы бойынша жоспарланған жобаларға және автобус паркінің жаңартылуына тоқталды.
Кейінгі жылдары Орал қаласында жолдардың жағдайын жақсарту мәселесіне ерекше көңіл бөлінуде. Өткен жылы 65 шақырымды құрайтын 55 көшенің жолы жөнделді. Былтырдан жалғасқан 13 объект бойынша, яғни барлығы 16,7 км жолды жөндеу жұмыстары биыл аяқталады. Мұның ішінде Деркөл кентіндегі Сарыарқа шағын ауданы мен Зашаған кентіндегі Сарытау шағын ауданына жол салу жұмыстары да бар. Қазіргі таңда жалпы ұзындығы 44 шақырым болатын 33 көшені күрделі жөндеуден өткізу үшін құжаттамалары дайындалуда.
Қалада 29 қалаішілік, алты қала маңындағы елдімекендерге қатынайтын және 10 саяжай бағыты бойынша маршруттар бар. Өз баяндамасында қала әкімі биыл автобус паркін жаңарту назарда екенін атап өтті.
– Биыл жеке инвестициялар есебінен, тиісті мемлекеттік қолдаудың көмегімен қаланың автобус паркін жаңарту мақсатында 100 шақты жаңа автобус сатып алу жоспарланып отыр. Сондай-ақ, барлық қалалық маршруттарда тарифтерді электронды жинау жүйесін енгізу бойынша дайындық жұмыстары басталды, – деді Абат Абайұлы.
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу