КіруОРАЛДА ЕКІ ЖЫЛ БҰРЫН ТІРКЕЛГЕН ПӘТЕР ҰРЛЫҒЫ АШЫЛДЫ
Орал қаласы Полиция басқармасының криминалдық полиция бөлімінің жедел уәкілдері 2017 жылдың 17 қыркүйегінде орын алған, үй иесіне әжептәуір көлемде материалдық залал келтірген күдіктіні құрықтады. Бұл туралы Орал қаласы полиция басқармасының баспасөз қызметі хабарлады.
Осыдан екі жыл бұрын С.Тюленин көшесіндегі бір үйдің терезе әйнектерін сындырып, үй ішіне кірген белгсіз біреу үй ішінен бірнеше алтын бұйымдар, құндыз тондар, «Триколор» антенасының қабылдау құрылғысын, «Самсунг» маркалы шаңсорғыш пен күзгі қымбат бағалы куртканы алып кеткен. Осылайша, 1989 жылғы С. есімді азаматқа көлемді шығын келген-ді.
Таяуда көп уақыттан бері ұстатпай жүрген пәтер тонағыш 1973 жылғы В. есімді, еш жерде жұмыс жасамайтын, Бәйтерек ауданының тұрғыны ұсталып, қылмыс жасағанын мойындады. Полиция қызметкерлерінің алдына келген бұл тұлға пәтерді ұрлауға көз байланар шақ – түнгі сағат 23.00 – ден кейін кіріскенін баяндады. Ұрлаған бұйымдардың денін сатып, ақшаны күнделікті өз қажетіне жаратқан. Тек күзгі куртка ғана үйінде қалыпты.
– Жедел уәкілдердің тынымсыз іздестіру іс- шаралары оң нәтиже беріп, екі жыл бұрын тіркелген пәтер ұрлығы ашылды. Бүгінгі күні Орал қаласы Полиция басқармасының уақытша ұстау изоляторына қамалды. Бұған дейін де бірнеше қылмыстар жасап, істі болған күдіктіге қатысты материалдар жиналып, тергеу амалдары жүргізілуде, – деді басқарманың баспасөз қызметкері Гүламан Исмағұлова.
Жыл басынан бері шаһарда 388 пәтер ұрлығы тіркелген.
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу