КіруОҚУШЫЛАРДЫ АРАЛАС ФОРМАТТА ОҚЫТУҒА РҰҚСАТ БЕРІЛДІ
2021 жылғы 1 наурыздан бастап Қазақстан Республикасының Бас мемлекеттік санитариялық дәрігерінің 2021 жылғы 27 ақпандағы №9 қаулысына сәйкес, сондай-ақ санитариялық-эпидемиологиялық жағдайдың жақсаруы мен тұрақтануына байланысты, жалпы білім беретін мектептердің 1-5 сынып және халықаралық мектептердің 1-7 сынып білім алушыларын аралас форматта оқытуға рұқсат етілді.
Санитариялық-эпидемиологиялық жағдайды ескере отырып, қай оқу пәндерінің штаттық немесе қашықтан оқыту форматтарында жүргізілуін және оқу сағаттарының санын анықтауды мектептер дербес шешеді.
– Бүгін БҚО білім басқармасы басшысының орынбасары Светлана Темірғалиева облыс директорларымен 1-5 сыныптағы оқушыларды дәстүрлі форматқа көшіру туралы онлайн форматта жиын өткізді. Бас мемлекеттік санитариялық дәрігердің қаулысына сәйкес бүгіннен бастап 1-5 сынып оқушылары аралас оқу форматында дәстүрлі түрде оқиды. Яғни пәндерді 70 пайыз дәстүрлі, 30 пайыз қашықтан оқиды. Ал, бала саны 300-ден аспайтын мектептердегі барлық сынып оқушылары мектепке барып оқиды. Сондай-ақ, 9, 11 сыныптың оқушылары әлеуметтік арақашықтық сақтай отырып оқуды дәстүрлі түрде оқуда, – деді БҚО білім басқармасының баспасөз қызметі.
Тек ерекше жағдайларда, ауырғанда немесе науқастармен қарым-қатынас жағдайларында ата-аналардың өтініші бойынша балаларды қашықтан форматында оқытуға қалдыруға рұқсат етіледі.
Оқушыларға мектепке міндетті мектеп формасында емес, еркін, ұқыпты киімде болуға рұқсат етіледі.
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу