КОРОНАВИРСҚА ЖАППАЙ ТЕСТІЛЕУ АЗАЙТЫЛДЫ

БҚО әкімі Ғали Есқалиев өңірлік коммуникациялар қызметі ұйымдастырған брифингте мәлім еткендей, коронавирусқа қатысты жағдай өңірлік жедел штабтың бақылауында. Штаб жұмысына барлық құқық қорғау органдары қатысады және өңірдегі қоғамдық тәртіпті қамтамасыз етеді.

Өңірде коронавирусқа күніге 1000-дай ПТР зерттеу жүргізіледі. Төрт лаборатория бар, оның біреуі жеке лоборатория. Лаборатория қызметкерлерінің ішінен коронавирус инфекциясын жұқтырғандар да анықталуда. Осы себепті нәтижелердің кешіктірілу жағдайлары бар. Сондай-ақ лабораторияларда жүйелі түрде карантин және дезинфекция жүргізіледі.

– Қазір профилактика үшін жаппай тестілеуді азайтып, стационарлардағы пациенттер мен олармен жақын байланыста болған адамдарды тестілеуге басымдық берілуде. Бұл тест нәтижелерінің шығарылуына тездетуге мүмкіндік бермек, – деді Ғали Нәжімеденұлы.

Ал өңірлік жедел штабта көптеген мәселелер жедел шешімін тауып, індетпен күресте көмегін тигізуде. Мәселен, экономикалық тергеулер департаменті шекара қызметімен бірге 4 млн. дана маска – контрабандалық тауарды анықтады. Маскалар денсаулық сақтау басқармасына берілді. Белгілі бөлігі тұрғындарға таратылуда. Полиция департаменті, прокуратура, сыбайлас жемқорлыққа қарсы қызмет өкілдері бағаларға және нысандарда санитарлық ереже талаптарының сақталуын мониторинг жүргізуде.

– Бұл жағдайға бейжай қарамай демеушілік қолдау көрсетіп жүрген жандарға алғыс білдіремін. Демеушілірдің қаржысына медициналық құрлығылар алынып, Ақсайда лаборатория ашылды. Қиын жағдайларға тап болғандарға көмек көрсетілуде, – деді Ғали Нәжімеденұлы.

zhaikuni.kz

Версия для печати