КіруКөпфункционалды спорт кешенінің капсуласын орналастырудың салтанатты ашылуы болды
Бүгін, шілденің 27-сі күні көпфункционалды спорт нысанының іргетасы қаланды. Жиынға қатысқан облыс әкімі Нариман Төреғалиев: – Батыс Қазақстан облысының 9 ауданында спорт кешені салынып бітті. Енді қалған 4 ауданда алдағы уақытта спорт кешенін салу жоспарлануда. Бұл, біріншіден болашақ спортшыларды дайындауға мүмкіндік береді. Екіншіден, салауатты өмір салтын қалыптастыруға жағдай туғызады. Өңірімізден 33 әлем, 487 Қазақстан чемпионы шықты. Наурыз айында облысымызға ҚР Президенті Қасым-Жомарт Кемелұлы Тоқаев келгенде, «ҚазМұнайГаз ҰҚ» компаниясының бас директоры Мағзом Мырзағалиевке спорт кешенін салу қажет деген тапсырма берген болатын. Осы аталмыш спорт кешенінің капсуласын орналастырудың салтанатты рәсіміне қош келдіңіздер! – деді.
Бұдан кейін сөйлеген «ҚазМұнайГаз ҰҚ» компаниясының бас директоры Мағзом Маратұлы сөз алып, осы уақытқа дейін аталмыш компанияның қайырымдылыққа 13млд теңге, өңірдің әлеуметтік дамуына 12 млд теңге қаражат жұмсағанын, бұл қаражатқа қаланың көрікті жерлері көркейтілгенін айтып берді. – Салынғалы отырған спорт кешені сәтті басталып, болашақ спортшылардың қажетіне пайдалансын! Барлығыңызға сәттілік тілеймін,-деді Мағзом Мырзағалиев. Содан соң облыс әкімі Нариман Төреғалиев пен «ҚазМұнайГаз» компаниясының бас директоры Мағзом Мырзағалиев нысанның алғашқы іргетасын ресми түрде қалады.
Гүлжан АЯЗБАЕВА,
фотоларды түсірген автор
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу