КіруБҚО-ДАҒЫ БІЛІМ ҰЯЛАРЫ ҚАШЫҚТАН ОҚЫТУДА ҚОЛДАНАТЫН ИНТЕРНЕТ-ПЛАТФОРМАҒА ТАҢДАУ ЖАСАДЫ
Батыс Қазақстан облысындағы білім беру ұйымдарының басым бөлігі қашықтан оқытуда Bilim Media Group ұсынған online-mektep интернет-платформасын пайдаланбақ. Әр мектеп бірыңғай пайдаланатын интернет-платформаны педагогикалық кеңесте талқылап, таңдау жасауда.
Қазіргі таңда облыс көлемінде мектептерде 14 мыңға жуық педагог жұмыс жасайды. Олардың 13 мыңнан астамы қашықтан оқыту форматындағы оқу процесін ұйымдастыру бағытындағы курстардан өткен. Қашықтан жұмыс жасайтын әр мектеп өз мұғалімдерінің таңдауы бойынша білім беру платформаларымен жұмыс жасайды.
БҚО білім басқармасы басшысының орынбасары Зәуре Ғұмарованың мәліметінше, батысқазақстандық білім ұяларының көпшілігі Bilim Media Group ұсынған online-mektep платформасын таңдаған. Сонымен қатар бір мектеп ЕduPage бағдарламасымен жұмыс жасамақ. Ортақ платформаға мектептің оқушылары, ата-аналары тіркеліп, сабақты ұйымдастыру барысында мұғаліммен кері байланыс жасай алады. Сонымен қатар облыс мектептері Kundelik.kz жобасына қосылған. Бұл жоба арқылы да кері байланыс жасаудың мүмкіндігі бар. Сондай-ақ басқа да ыңғайлы электрондық құрылығылар арқылы кері байланыс жасалады.
Еске сала кетейік, оқу жылы алдында жалпы республикалық педагогикалық кеңестің аясында өңірдегі мектептерде педагогикалық кеңестер өткізілуде. Педагогикалық кеңесте оқу жылының басталуындағы ерекшеліктер, өзгерістер және оқу процесін ұйымдастыруға қатысты өзге де сауалдар бойынша түсіндіріліп, сабақты ұйымдастыру бойынша ұсыныстар қаралуда.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу