КіруБҚО-да Құрылтай сайлауына әзірлік барысы қаралды
Батыс Қазақстан облысында алдағы Құрылтай сайлауын өткізуге бағытталған ұйымдастыру жұмыстары жалғасып жатыр. Дайындық барысы Қазақстан Республикасы Орталық сайлау комиссиясының хатшысы Шавхат Өтемісов жетекшілік еткен кеңесте талқыланды. Басқосуға облыс әкімінің орынбасары Қайыржан Меңдіғалиев, мемлекеттік және құқық қорғау органдарының өкілдері, сондай-ақ аумақтық сайлау комиссияларының төрағалары қатысты.
Сайлау науқанына өңір бойынша 488 учаске дайындалуда. Оның 236-сы білім беру ұйымдарында, 192-сі мәдениет нысандарында, 28-і денсаулық сақтау мекемелерінде, 15-і спорт нысандарында орналасқан. Қалған 17 учаске әлеуметтік және басқа да нысандарда жұмыс істейді. Дауыс беру құқығы бар 450 мыңнан астам тұрғынға сайлауға шақыру қағаздары таратылған.
Сайлау комиссияларының жұмысына да ерекше мән беріліп отыр. Жалпы саны 3224 комиссия мүшесінің 95 пайызында саяси науқандарды өткізу тәжірибесі бар. Бұған қоса аумақтық сайлау комиссиясының мүшелері аудан орталықтарында көшпелі оқыту семинарларын өткізіп, кәсіби дайындықтарын жетілдірді.
Жиында сайлау үдерісіне барлық азаматтардың тең қатысуына жағдай жасау мәселесі де сөз болды. Осы мақсатта учаскелердің кіреберістеріне пандустар, шақыру батырмалары мен тактильді жолақтар орнатылған. Дауыс берушілерге ыңғайлы болуы үшін ым-ишара тіліндегі бейнематериалдар мен аудиоақпарат та қарастырылған.
Облыс әкімінің орынбасары Қайыржан Меңдіғалиевтің мәліметінше, өңірде мүгедектігі бар 2324 сайлаушы тіркелген. Олардың дауыс беруіне қолайлы жағдай жасау үшін барлық учаске бірінші қабатта орналасқан. Сайлау күні 55 инватакси мен сурдоаудармашылар қызмет көрсетеді.
Кеңес барысында қоғамдық тәртіпті сақтау мен сайлау учаскелеріндегі қауіпсіздік шаралары да назардан тыс қалмады. Қазақстан Республикасы Орталық сайлау комиссиясының хатшысы Шавхат Өтемісов өңірдің сайлауға дайындығына оң баға беріп, жас сайлаушылар клубы мүшелерінің ақпараттық-түсіндіру жұмыстарына белсенді қатысып жүргенін атап өтті.
Сондай-ақ саяси науқанға шетелдік байқаушылардың қызығушылығы артып отырғаны айтылды. Жауапты органдарға сайлауды заң талаптарына сәйкес ұйымдастырып, дауыс беру күнінде тиісті тәртіп пен қауіпсіздікті қамтамасыз ету жөнінде нақты міндеттер белгіленді.
Соңғы жаңалықтар
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
