КіруБҚО АУМАҒЫНДА БІРНЕШЕ ФУРА ЖОЛ ЖИЕГІНЕ ТҮСІП КЕТКЕН
БҚО төтенше жағдайлар департаментінің мәліметінше, қазіргі уақытта «Самара-Шымкент» тас жолының 490-522 шақырымында жол жиегіне түсіп кеткен 5 фура қалып отыр. Оның біреуіне техникалық ақаулығы және жол жиегінен шығаруға байланысты көмек көрсетілуде.
8 наурызда сағат 17.30 шамасында «Самара-Шымкент» тас жолында Ақтөбе облысына қарай бет алған фура Сырым ауданы тұсында сынған. Көмек көрсету және эвакуациялау үшін №14 өрт сөндіру бекеті жедел жетті. Құтқарушылар жеткен кезде «Самара-Шымкент» тас жолының 490 шақырымында 3 фура рөлге ие бола алмай жол жиегіне түсіп кеткені анықталды. Жүргізушілер эвакуациядан бас тартқан. Фураларды жол жиегінен шығару үшін көмек көрсетілуде.
«Сонымен қатар осы күні сағат 22.00-де «Орал-Тасқала-РФ шекарасы» (4-104 шақырымда Орал қаласы – РФ шекарасы) тас жолының жабылуына байланысты, Бірлік кенті шамасының 80 шақырымында жүргізушілер эвакуациядан бас тартқан 12 фура мен 3 жүк көлігі құтқарушылардың бақылауында болып, одан әрі жолға шығып кетті», – деп хабарлады БҚО ТЖД баспасөз қызметі.
Сондай-ақ сағат 23.49-да Орал қаласы Деркул-Белес ауылдық жолында Кардон кентінің шамасында БҚО Төтенше жағдайлар департаменті қызметкерлерінің күшімен қар құрсауынан 3 жеңіл көлік жолдың тазартылған учаскесіне шығарылған. Құтқарылған 13 адамның үшеуі бала.
БҚО Төтенше жағдайлар департаменті облыс тұрғындарына жолдарда қауіпсіздік шараларын қатаң сақтауды ескертеді. Жолдардағы жағдай туралы ақпаратты «Дәрмен» мобильді қосымшасынан алуға болады. Құтқарушылардың көмегі қажет болған жағдайда «112» нөміріне хабарласу қажет.
zhaikuni.kz
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу