Кіру«АҚЖАЙЫҚТА» ТҰРҒЫН ҮЙ ҚҰРЫЛЫСЫ ЖҮЙЕЛІ ЖАЛҒАСУДА
Оралдың жаңа шағынаудандарының біріне айналып келе жатқан «Ақжайықта» тұрғын үй құрылысы кезең-кезеңімен жүргізілуде. Мұндағы баспана құрылысының барысын облыс әкімі Нариман Төреғалиев арнайы барып көріп, мердігерлермен атқарылған жұмыстарды талқылады.
Жалпы жоба аясында баспана кезегінде тұрған азаматтарға арналған 12 аумақта 1200 пәтерлі 14 көпқабатты үй салу көзделген. Құрылысқа бүгінде 8 компания тартылған. Жоспарға сәйкес, жыл соңына дейін 684 пәтерді қамтитын 9 тұрғын үйді ел игілігіне беру міндеті тұр.
Қазір бірнеше нысанда құрылыс жұмыстары қатар жүріп жатыр. Бес қабатты үйлердің сәулеттік келбетіне де ерекше мән берілген. Ғимараттардың сырты фиброцементтік панельдермен қапталып, заманауи талаптарға сай әрленеді. Шағынауданға қажетті инженерлік желілердің тартылуы да қамтамасыз етілген.
Нысандарды аралау кезінде облыс әкімі пәтерлердің ішкі жай-күйімен танысып, құрылысшылармен пікір алмасты. Жауапты мамандарға жұмыстардың сапасын төмендетпей, белгіленген кестеден ауытқымау қажеттігін жеткізді.
«Ақжайықтың» дамуы тұрғын үймен ғана шектелмейді. Болашақта шағынауданда тұрғындарға қажетті әлеуметтік және қоғамдық инфрақұрылым қалыптасады. Жоспар бойынша мұнда барлығы 60 әлеуметтік нысан бой көтермек.
Олардың қатарында 70 көпқабатты тұрғын үймен бірге 4 балабақша, 3 мектеп, аурухана, перинаталдық орталық және 12 мың көрерменге арналған стадион бар. Осылайша жаңа шағынаудан уақыт өте келе тұрғын үй массивінен толыққанды қалалық ортаға айналмақ.
Версия для печатиСоңғы жаңалықтар
59 мың сұрақ және жеті партия көшбасшысы: «Басты дебат – 2026» қалай өтті?
ЦИК: на избирательных участках созданы все условия для лиц с особенными потребностями
Атом электр станцияларында радиациялық қауіпсіздікті қамтамасыз етудің заманауи жүйелері
Қазақстанның атом саласын дамыту – энергетика, өнеркәсіп, ғылым, технология және кадр даярлау бағыттарын қамтитын кешенді жұмыс
Батыс Қазақстан облысында «Таза Қазақстан» экологиялық акциясы аясында жастар арасында «Экоквест» шарасы өтті
Өңірлік науқан мәреге жетті – партиялар ел бойынша сапарларын аяқтап жатыр
ЦИК: в День выборов будет открыто свыше 10 тысяч избирательных участков
Жұмыс орындары, экология, баспана және отандық өндіріс: партиялар 17 тамызда не туралы айтты?
БҚО-да Құрылтай сайлауын өткізу бойынша ұйымдастыру шаралары тиісті деңгейде жүргізіліп жатыр
ОО «Atamnyn amanaty» принимает заявки на поиск погибших и пропавших без вести солдат и офицеров в годы Второй Мировой войны
Государство не ограничивает свободу слова, а защищает ее – Аида Балаева
