Кіру8 жоба аясында 16 шақырым жол жөнделді
Батыс Қазақстан облысының әкімі Нариман Төреғалиев Орал қаласында жүргізіліп жатқан жол жөндеу жұмыстарымен танысты. Биыл шаһардағы көше жолдарын жақсарту мақсатында 8 жоба жүзеге асырылып, оның аясында шамамен 16 шақырым жолды жөндеу көзделген. Қазіргі уақытта жоспарланған жұмыстардың жартысынан көбі орындалды.
Алдымен облыс әкімі Школьная көшесіндегі жол жөндеу барысын бақылап көрді. Бұл аумақта шамамен 1 шақырым жолдың жабындысы жаңартылуда. Жұмыс барысында жолдың беріктігін арттырып, қызмет ету уақытын ұзартуға мүмкіндік беретін заманауи технология пайдаланылған.
Аймақ басшысы жергілікті тұрғындармен кездесіп, қала инфрақұрылымын жақсартуға бағытталған жұмыстардың басты мақсаты халықтың тұрмыс сапасын арттыру екенін айтты. Сонымен қатар ол тұрғындарды өз аулаларының тазалығы мен абаттандырылуына жауапкершілікпен қарауға шақырды.
Нариман Төреғалиевтің айтуынша, қаланы көркейту ісіне тек коммуналдық қызметтер ғана емес, тұрғындардың өздері де белсенді түрде атсалысуы қажет. Әсіресе жеке секторда тұратын азаматтар аулаларын жаз мезгілінде шөп-шаламнан, ал қыс кезінде қардан уақытылы тазалап отырғаны маңызды. Мұндай жауапкершілік қаланың тазалығын сақтаумен қатар, жауын-шашын немесе қар еріген кезде су басу қаупінің алдын алуға ықпал етеді.
Бұдан кейін облыс әкімі Сыбаға көшесіндегі жаңартылған жолды көрді. Мұнда ұзындығы 895 метр болатын жол учаскесі толықтай жөндеуден өткен. Аталған жобаны «Ануш құрылыс» компаниясы іске асырған.
Сонымен бірге Каримуллин көшесінде ұзындығы 1,5 шақырымға жуық жол бөлігін орташа жөндеу жұмыстары аяқталуға жақын. Нысандарды аралау барысында облыс әкімі қала басшылығына кәсіпкерлік нысандардың маңындағы аумақтардың тазалығына бақылауды күшейтіп, тиісті талаптар қоюды тапсырды.
Жол қауіпсіздігіне қатысты мәселелер де назардан тыс қалмады. Тәртіп сақшылары аталған аумақта бейнебақылау камералары мен көлік жылдамдығын анықтайтын арнайы құрылғылардың орнатылғанын баяндады.
Жалпы биыл Орал қаласында 50-ден астам көшенің жолдарын жаңарту жоспарланып отыр. Қазіргі таңда олардың 30-дан астамында ағымдағы жөндеу жұмыстары жүргізіліп үлгерген.
Соңғы жаңалықтар
Президент Қ.К.Тоқаевтың «Handelsblatt» іскерлік басылымына жарияланған мақаласы
«Сыбайлас жемқорлықсыз болашақ» тақырыбында сурет және постерлер байқауы өтті
Маңғыстау облысындағы оқу-жаттығу жиыны кезінде қаза тапқан әскери қызметшілер ҚР мемлекеттік наградаларымен марапатталды
Маңғыстау облысында болған қайғылы оқиға салдарынан қаза тапқан Батыс Қазақстан облысының әскери қызметшілерін жерлеу рәсімдері өтті
Air Astana Каспийде қаза тапқан әскери қызметшілердің отбасын тегін тасымалдайды
Маңғыстау облысында әскери қызметшілердің қаза болу жағдайын Үкіметтік комиссия тексеруде
Каспий теңізінде жоғалған екі әскери қызметшінің денесі табылды: іздестіру операциясы аяқталды
БҚО-да 129 әлеуметтік нысан салынып, медицинаға жасанды интеллект енгізілуде
БҚО тәртіп сақшылары мен жастар заңсыз граффитиге қарсы бірікті
«Қауіпсіздік коды: 102-111-150»: тұрмыстық зорлық-зомбылыққа жол жоқ!!!
Президенттің Жарлығы жарияланды – Қазақстан Халық Кеңесіне еліміздің 126 азаматы кірді
Елге қызмет еткен тұлғаға құрмет: Мұстақым Ықсановтың 100 жылдығы аталып өтті
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
