КіруЕлге қызмет еткен тұлғаға құрмет: Мұстақым Ықсановтың 100 жылдығы аталып өтті
Жәнібек ауданында мемлекет және қоғам қайраткері Мұстақым Ықсановтың туғанына 100 жыл толуына арналған мерейтойлық іс-шаралар жоғары деңгейде ұйымдастырылды.
Салтанатты шараларға облыс әкімінің орынбасары Қалияр Айтмұхамбетов, зиялы қауым өкілдері, еңбек ардагерлері, аудан тұрғындары және қайраткердің шәкірттері мен көзін көрген замандастары қатысты.
Мерейтой аясында қатысушылар Мұстақым Ықсановтың ескерткішіне гүл шоқтарын қойып, оның рухына тағзым етті. Кейін аудандық мәдениет үйінде ұйымдастырылған тақырыптық көрмені тамашалап, «Мұстақым мұрасы» атты республикалық ақындар айтысына куә болды.
Айтысқа Павлодар, Атырау, Ақтөбе, Абай облыстары, Шымкент қаласы және Батыс Қазақстан өңірінен келген 10 ақын қатысып, мемлекет қайраткерінің ел дамуына қосқан үлесі мен өнегелі өмір жолын жырға қосты. Нәтижесінде жәнібектік ақын Мұрадым Мирланов бас жүлдені жеңіп алып, темір тұлпар иесі атанды.
Шара барысында облыс әкімінің орынбасары Қалияр Айтмұхамбетов сөз сөйлеп, Мұстақым Ықсановтың ел тарихындағы ерекше орнына тоқталды. Сондай-ақ қатысушыларға облыс әкімі Нариман Төреғалиевтің құттықтау лебізін жеткізді.
Мерейтойдың алғашқы күні мәдени-рухани бағдарламалармен түйінделсе, келесі күні ұлттық дәстүрлерді дәріптейтін кең ауқымды шаралар ұйымдастырылды. Ақ шаңқан киіз үйлер тігіліп, ұлттық ойындар өткізілді. Ән мен күйден шашу шашылып, мерекенің сәні арта түсті.
Топ бәйге, құнан бәйге және аламан бәйге көрермендердің ерекше қызығушылығын тудырды. Аламан бәйгеде маңғыстаулық шабандоз Омар Нұрсұлтан «Мұздай» тұлпарымен мәреге бірінші жетіп, бас жүлде – жаңа автокөлікті иеленді.
Жарыстар мен байқаулардың жеңімпаздары мен жүлдегерлеріне бағалы сыйлықтар табысталды. Ұйымдастырушылар мерейтой аясында Мұстақым Ықсановтың өмір жолы мен елге сіңірген еңбегін кеңінен насихаттап, оның өнегесін жас ұрпаққа үлгі етуді мақсат етті.
Соңғы жаңалықтар
Елге қызмет еткен тұлғаға құрмет: Мұстақым Ықсановтың 100 жылдығы аталып өтті
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
