КіруЖАҢА ОҚУ ЖЫЛЫНА ӘЗІРЛІК: НЕГІЗГІ МІНДЕТТЕР АЙҚЫНДАЛДЫ
Жаңа оқу жылы қарсаңында өңірдегі білім беру нысандарының дайындығы пысықталып, алдағы кезеңнің басты міндеттері белгіленді. ҚР Премьер-министрі Олжас Бектенов төрағалық еткен Үкімет отырысына облыс әкімі Нариман Төреғалиев селекторлық байланыс арқылы қатысты.
Алдағы оқу жылында облыстағы 382 мектепте 128 мыңға жуық оқушы білім алады. Мектеп табалдырығын алғаш аттайтын 1-сынып оқушыларының саны – 11 689. Балаларды әлеуметтік қолдауға 435 млн теңге қарастырылса, оқулықтармен қамтуға 3,1 млрд теңге бағытталды.
Білім беру нысандарының материалдық базасын жаңғырту жұмыстары да жалғасып жатыр. Реновация бағдарламасына 86 мектеп енгізілген. 2023 жылдан бері 30 жаңа мектеп ел игілігіне берілсе, биыл тағы 8 шағын жинақты мектептің ашылуы жоспарланған.
Колледждерде де жаңа оқу жылына дайындық қарқынды. Қазіргі таңда 35 колледжде 15 мың студент кәсіби білім алып отыр. Биыл 4 мың мемлекеттік білім беру гранты бөлініп, оның 55 пайызы техникалық бағыттағы мамандықтарға берілді.
Білім беру жүйесін цифрландыруға, соның ішінде жасанды интеллект мүмкіндіктерін пайдалануға басымдық берілуде. Бұл бағытта 12 жоба іске асырылып, 25 мыңнан астам педагог пен білім алушыны қамтыды. Сонымен қатар 18 440 мұғалім Daryn AI Ustaz бағдарламасы бойынша арнайы дайындықтан өтті.
Оқушылардың қауіпсіздігін қамтамасыз ету мәселесі де күн тәртібінен түскен жоқ. 328 мектепте буллингтің алдын алуға бағытталған бағдарламалар енгізіліп, олармен 122 мыңнан астам оқушы қамтылды. Ал 413 білім беру ұйымы қажетті қауіпсіздік жүйелерімен толық жабдықталған.
Жиын қорытындысында облыс әкімі Нариман Төреғалиев жаңа оқу жылына дайындықты сапалы әрі белгіленген мерзімде аяқтауды тапсырды. Әсіресе мектептердегі құрылыс және жөндеу жұмыстарының уақытылы әрі талапқа сай орындалуына бақылауды күшейтуді міндеттеді. Сонымен бірге балалардың қауіпсіздігіне және олардың сапалы білім алуына қолайлы жағдай жасауға ерекше назар аударуды жүктеді.
Версия для печатиСоңғы жаңалықтар
59 мың сұрақ және жеті партия көшбасшысы: «Басты дебат – 2026» қалай өтті?
ЦИК: на избирательных участках созданы все условия для лиц с особенными потребностями
Атом электр станцияларында радиациялық қауіпсіздікті қамтамасыз етудің заманауи жүйелері
Қазақстанның атом саласын дамыту – энергетика, өнеркәсіп, ғылым, технология және кадр даярлау бағыттарын қамтитын кешенді жұмыс
Батыс Қазақстан облысында «Таза Қазақстан» экологиялық акциясы аясында жастар арасында «Экоквест» шарасы өтті
Өңірлік науқан мәреге жетті – партиялар ел бойынша сапарларын аяқтап жатыр
ЦИК: в День выборов будет открыто свыше 10 тысяч избирательных участков
Жұмыс орындары, экология, баспана және отандық өндіріс: партиялар 17 тамызда не туралы айтты?
БҚО-да Құрылтай сайлауын өткізу бойынша ұйымдастыру шаралары тиісті деңгейде жүргізіліп жатыр
ОО «Atamnyn amanaty» принимает заявки на поиск погибших и пропавших без вести солдат и офицеров в годы Второй Мировой войны
Государство не ограничивает свободу слова, а защищает ее – Аида Балаева
