КіруӨңірде жылыту маусымына дайындық күшейтілді
Батыс Қазақстан облысы әкімінің орынбасары Қалияр Айтмұхамбетовтің төрағалығымен төтенше жағдайлардың алдын алу және олардың салдарын жою жөніндегі комиссияның отырысы өтті. Жиында алдағы жылыту маусымына әзірлік пен су тасқынының алдын алуға бағытталған жұмыстардың барысы қаралды.
Қазіргі таңда өңірдегі әлеуметтік нысандар мен көппәтерлі тұрғын үйлердің жылыту кезеңіне дайындығы 64–87%-ды құрап отыр. Алдағы он күн ішінде Казталов, Тасқала және Теректі аудандарындағы бюджеттік мекемелерге қажетті 127 тонна көмір толық жеткізілмек.
Жиында жылу және энергетика нысандарының қазіргі дайындығы да сөз болды. «Жайықжылуқуат» АҚ, «Батыс су арнасы» ЖШС, «Батыс Қазақстан АЭЖК» ЖШС және негізгі электр өндіруші кәсіпорындарда газтурбиналық қондырғылар мен қосалқы жабдықтарды жөндеу жұмыстары жүргізілуде.
Сонымен қатар «Энергетикалық және коммуналдық секторларды жаңғырту» ұлттық жобасы шеңберінде 21,9 млрд теңгеге 10 ірі жоба жүзеге асырылып жатыр. Олар электр және жылу желілерін, сорғы станцияларын жаңартуды, сондай-ақ су ұңғымаларын салуды қамтиды.
Комиссия отырысында өрт қауіпсіздігіне де ерекше назар аударылды. Өңір басшысының орынбасары Қалияр Айтмұхамбетов Орал қаласы мен аудан әкімдіктеріне жауапты құрылымдармен бірлесіп, мемлекеттік және жеке сектор нысандарындағы қауіпсіздік шараларын күшейтуді тапсырды. Әлеуметтік осал санаттағы азаматтардың үйлеріне газ датчиктерін орнату жұмыстарын 1 қарашаға дейін аяқтау міндеті қойылды.
Су тасқынының алдын алу бағытындағы жұмыстар да кезең-кезеңімен жүргізілуде. Өңірдің 2025–2027 жылдарға арналған су тасқынына қарсы кешенді жоспарында барлығы 104 іс-шара көзделген. Оның 31-ін биыл аяқтау жоспарланған.
Су ресурстарын тиімді басқару мақсатында Деркөл өзенінің 7 шақырымдық арнасы тазартылып, кейтіліп жатыр. Утва өзенінің 11 шақырым учаскесін тазарту жобасы мемлекеттік сараптамаға жолданбақ. Биыл Көшім өзені мен Шаған тармағында жалпы ұзындығы 68 шақырым болатын су арнасын тереңдету жұмыстары жүргізіледі.
Бұдан бөлек, коммуналдық нысандарды тиімді пайдалану мақсатында олардың 80%-ы «Батысирригация» мекемесінің теңгеріміне берілді.
Комиссия қорытындысында облыс әкімінің орынбасары Қалияр Айтмұхамбетов жауапты органдарға кешенді жоспардағы барлық шараларды белгіленген мерзімде әрі сапалы орындауды тапсырды.
Соңғы жаңалықтар
Жалған ақпаратқа қарсы орталық: Құрылтай сайлауы қарсаңында фейктер көбейді
«Тиімді басқару, сабақтастық және «Адал азамат» құндылықтары»: облыс педагогтерінің тамыз кеңесінде өзекті мәселелер талқыланды
Атом реакторларының қауіпсіздігі қалай тексеріледі? Ұлттық ядролық орталық өкілімен сұхбат
Қасым-Жомарт Тоқаев Орталық сайлау комиссиясының төрағасы Нұрлан Әбдіровті қабылдады
МЕМЛЕКЕТ БАСШЫСЫ БАТЫС ҚАЗАҚСТАН ОБЛЫСЫНЫҢ ӘКІМІ НАРИМАН ТӨРЕҒАЛИЕВТІ ҚАБЫЛДАДЫ
Мемлекеттік қызметшілерге «Мемлекеттік қызметшінің құндылық мінез-құлқы: «Адал азамат» моделі» тақырыбында семинар өтті
Құрылтай сайлауы жақындады: партиялар өңірлердегі жұмысын күшейтіп, пікірсайысқа шықты
Саяси партиялардың төрағалары 19 тамызда қорытынды теледебатқа қатысады – ОСК
На Jibek Joly завершились командные теледебаты: опубликованы итоги онлайн-голосования
Институт ядерной физики — научно-технологическая опора атомной энергетики Казахстана
Партиялар жалақы, өндіріс және инфрақұрылым мәселелерін талқылады, ал «Ақ жол» Respublica сынына жауап берді
Президент Қасым-Жомарт Тоқаев бір топ қоғам қайраткерін мемлекеттік наградалармен марапаттады
Развитие ядерно-топливного цикла в Казахстане: от сырья к высокотехнологичной продукции
От скорости решений к новым инвестициям: Кристиан Гроссе о преимуществах Курултая
