КіруПРАВОСЛАВ ХРИСТИАНДАРЫ ХРИСТОС РОЖДЕСТВОСЫ МЕРЕКЕСІН АТАП ӨТУДЕ
Бүгін православтық христиандардың Жарқын Христос мерекесі. Осы мерекеге орай Орал қаласы әкімі Абат Шыныбеков оралдық православтық христиандарды қасиетті мерекемен құттықтады.
– Бұл – рухани және моральдық құндылықтарды бекітетін, қоғамда жоғары адамгершілік қасиетті нығайтуға ықпал ететін жарқын мереке. Тәуелсіздік жылдарындағы біздің ең басты жетістіктеріміздің бірі қазақстандық қоғамда конфессияаралық бейбітшілікті және келісімді сақтап, нығайта түскеніміз. Бейбітшілк пен келісім – маңызды жалпыхалықтық игілік. Оны әр бірлескен еңбегімізбен сақтай білуіміз керек. Діни сеніміне, тілі мен мәдениетіне қарамастан еліміздегі барша ұлт өкілі келісіммен, бір-біріне деген сеніммен өмір сүруде. Оралда да православтық қоғам басқа конфессиялармен бірге қала өміріне белсене араласып, халық бірлігін нығайтуға үлес қосып келеді. Осындай жарқын қуанышты мерекеде ашық аспан, баршаңыздың дендеріңізге саулық, еңбекте табыс, көпұлтты Отанымыздың гүлденуін тілеймін, – деді Абат Абайұлы.
Айта кетейік, бұл күні еліміздегі барлық шіркеуде құлшылық шаралары басталды. Православ христиандары бұл күні таң бозарып атқаннан кешке дейін ас-судан бас тартады. Сондай-ақ, олар бұл мерекеде бір-біріне тәтті тағамдар ұсынып, түрлі сыйлық жасайды.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу