Кіру«Сырым» өткізу бекетінің құрылысы қарқын алды
Қазақстан Республикасының Көлік министрі Нұрлан Сауранбаев Батыс Қазақстан облысына жұмыс сапары барысында облыс әкімі Нариман Төреғалиевпен бірге Қазақстан–Ресей шекарасындағы «Сырым» өткізу бекетінде болып, жаңғырту жұмыстарының барысымен танысты.
Жобаны іске асыру 2025 жылдың тамыз айында басталған. Қазіргі таңда құрылыс алаңында 116 жұмысшы мен 20 бірлік арнайы техника еңбек етуде. «ҚазАвтоЖол» ҰК» АҚ Батыс Қазақстан облыстық филиалының директоры Асылбек Марданның мәліметінше, нысанның дайындық деңгейі бүгінде 41 пайызға жеткен.
Жаңғырту аяқталғаннан кейін өткізу бекетінің өткізу қабілеті айтарлықтай артады. Тәулігіне шекарадан өтетін жолаушылар саны 6 мыңнан 10 мың адамға дейін, ал автокөлік ағыны 3 мыңнан 5 мыңға дейін ұлғаяды деп күтілуде. Сондай-ақ алты жолақтың орнына 14 жолақ пайдалануға беріліп, жаңа әкімшілік ғимараттар салынады және кедендік бақылауды жеделдетуге мүмкіндік беретін заманауи рентгендік тексеру жүйелері орнатылады. Жобаның жалпы құны – 20,8 млрд теңге.
Нысанды аралау барысында Көлік министрі құрылыс қарқыны мен сапасына ерекше назар аударып, тапсырыс беруші мен мердігер ұйымдарға жұмысты белгіленген мерзімде аяқтау жөнінде бірқатар нақты міндет жүктеді. Оның айтуынша, «Сырым» өткізу бекеті Қазақстан мен Ресей арасындағы қатынас үшін ғана емес, Орталық Азия бағытындағы халықаралық жүк тасымалында да маңызды рөл атқарады. Осыған байланысты құрылыс-монтаж жұмыстарын жеделдету бойынша нақты іс-қимыл жоспарын әзірлеу тапсырылды.
Өз кезегінде облыс әкімі Нариман Төреғалиев шекарадағы өткізу бекетінің тиімді жұмысы екі елдің құзырлы органдары арасындағы үйлесімді өзара іс-қимылға байланысты екенін атап өтті. Сондай-ақ құрылыс мерзімін қысқарту үшін нысанда екі ауысымды жұмыс режимін ұйымдастыру қажеттігін жеткізді.
Версия для печатиСоңғы жаңалықтар
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
