КіруБҚО-да ірі инвестициялық жобаларды қаржыландыру мәселесі талқыланды
Батыс Қазақстан облысының әкімі Нариман Төреғалиев «Қазақстанның даму банкі» АҚ Басқарма төрағасы Марат Елібаевпен кездесіп, өңірдің әлеуметтік-экономикалық дамуына серпін беретін инвестициялық жобаларды талқылады. Басқосуда өнеркәсіп, энергетика, көлік-логистика, ауыл шаруашылығы және туризм салаларындағы бастамаларды қаржыландыру мәселелеріне ерекше назар аударылды.
Кездесу барысында облыста жүзеге асырылып жатқан инфрақұрылымдық жобалардың барысы сөз болды. Атап айтқанда, Орал – Атырау және Самара – Шымкент бағыттарындағы республикалық маңызы бар автожолдарды қайта жаңғырту жұмыстары талқыланды. Биыл бұл мақсатқа 20 млрд теңге бөлінсе, келесі жылы тағы 80 млрд теңге көлемінде қаржы қарастыру жоспарланып отыр.
Сонымен қатар Ақжайық ауданындағы Сәтимола кенішінде салынып жатқан байыту-өндірістік кешенінің жүзеге асырылу барысы қаралды. Жоспар бойынша кәсіпорын 2029 жылы іске қосылып, алғашқы кезеңде жылына 1,5 млн тонна, кейін өндіріс көлемі 6 млн тоннаға дейін жеткізіледі. Жиын барысында Белес ауылында салынатын метанол зауытын қаржыландыру мәселесі де тілге тиек болды.
Басқосуда Өнеркәсіпті дамыту қорының қолдауымен жүзеге асырылатын бірқатар жаңа жобалар да назардан тыс қалмады. Атап айтқанда, цемент зауытының құрылысы, газ-турбиналық станцияның қуатын арттыру, қонақүй және тұрмыстық қалдықтарды қайта өңдеу кешендерін салу жөніндегі бастамалар қарастырылды.
Облыс әкімі Нариман Төреғалиев өңдеу өнеркәсібі мен агроөнеркәсіп кешенін дамыту өңір үшін басым бағыттардың бірі екенін атап өтті. Оның айтуынша, бұл жұмыстар Мемлекет басшысының экономиканы әртараптандыру және өңірлердің өндірістік әлеуетін күшейту жөніндегі тапсырмалары аясында кезең-кезеңімен жүзеге асырылып келеді.
Кездесу қорытындысында тараптар инвестициялық жобаларды іске асыру бағытындағы өзара ынтымақтастықты одан әрі нығайтуға дайын екендерін білдірді. Жоспарланған бастамалар жаңа өндірістердің ашылуына, жұмыс орындарының көбеюіне және өңір экономикасының тұрақты дамуына ықпал етеді деп күтілуде.
Соңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
