КіруШАҒЫНАУДАНДАРДЫ ЖАРЫҚТАНДЫРУҒА МӘН БЕРІЛМЕК
Бүгін Орал қаласы әкімі Абат Шыныбеков жергілікті «Ақжайық» телеарнасының «Әкім сағаты» бағдарламасы арқылы тікелей эфирге шығып, қаланың инфрақұрылымын жақсарту және қалалықтардың өмір сүру сапасын арттыру мақсатындағы жұмыстар туралы баяндады. Эфир барысында қаланың жарықтандырылуына қатысты сұрақтар жиі қойылды.
Мәселен, қала тұрығы С. Мәжитова «Самал» шағынауданында, круглоозерныйлық Қ.Сатаева ауыл ішіндегі жарықшамдар дұрыс жанбайтынын жеткізді.
Қала әкімінің айтуынша, бүгінгі таңда, қаламыздың көше-жол желісінде 20 мыңнан астам жарықшамдар бар. Соның ішінде, 5 мыңнан астамы жарықдиодты лампалар болса, қалған 15 мың лампалар ескі үлгідегі шамдар. Бүгінгі таңда, қаламыздың, 268 көшесі және 372 аула аумағы жарықтандырылған.
– Бұл әрине жеткіліксіз. Жуырда ғана 18 ғимарат қайта жарықтандырылды. 76 ғиммарат бойынша жұмыстар жүргізілуде. Келесі 2020 жылы 15 мыңнан астам ескі үлгідегі шамдарды жарықдиоды лампаларға ауыстыру көзделуде. Сондай-ақ Қадыр Мырза Әлі шағынауданы, Қонаев, Жаңа Орда шағынаудандарын жарықтандыру бойынша жобалық-сметалық құжаттама жасақтап, жарықтандыруды көздеп отырмыз.Бұл жобада 800-дей жарықшам қойылуы жоспарланды , – деді Абат Абайұлы.
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу