Кіру…ЖАҢАЖЫЛДЫҚ КОРПОРАТИВ БОЛМАЙДЫ
БҚО-да эпидемиологиялық ахуал жақсармаса, мемлекеттік органдар қызметкерлеріне жаңажылдық корпоративке рұқсат берілмейді. Бұл туралы кеше, 17 қараша күні коронавирусқа қарсы облыстық жеделштабтың отырысында облыс әкімі Ғали Есқалиев айтты.
– Жаңа жылды мерекелеуге қатысты өтініштер түсуде. Осы ретте мемлекеттік органдарға ескертерім, ахуал айтарлықтай түзелмесе корпоративтік шара болмайды немесе жаңа жылды өткізудің жаңа форматын ойластыру керек. Әрі ол қайырымдылық сипатында болғаны жөн, – деді Ғали Есқалиев.
Осы ретте өңір басшысы коронавирус пандемиясы кезінде өңір кәсіпкерлері шығынға тап келгенін ескерте отырып, жаңажылдық сый үшін тапсырыстарды осындай кәсіп иелеріне беруді ұсынды.
Айта кетейік, қараша айы басталғалы коронавирус инфекциясымен 503 науқас тіркелген. Бұл қазан айымен салыстырғанда 67 пайызға көп. Көп жағдайда ауру белгілері байқалмаған науқастардың саны артқан.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу